Landbruksforvaltning
Her blir det lagt ut informasjon som er retta mot kommunal landbruksforvaltning.
Ny landbruksvegforskrift
Den nye forskrifta, som blir gjeldande frå 1. juli 2015, er enklare og tydelegare enn den gamle. Fleire tiltak kan byggjast utan søknad og løyve frå kommunen. Det er strengare krav til søknaden når det gjeld fare for skade ved flaum, erosjon og skred.
Publisert 07.06.2015
Vinterskadeordninga for eng blir avvikla
Støtteordninga for vinterskade på eng blei avvikla ved jordbruksforhandlingane no i vår. Meir konkret betyr det at 2015 er siste året med statleg støtte til utbetring av klimabetinga vinterskade på eng.
Publisert 19.05.2015
"Land og bruk" nummer 2 - 2015
Her kjem nytt nummer av Land og bruk. Her finn du mellom anna informasjon om SMIL-midlar, tilskot til bygging av gjødsellager, andelslandbruk, kommunereforma, ny forskrift om plantevernmiddel, "gjerdekravet" og miljøplan i ny drakt.
Publisert 28.04.2015
Meir kontroll av foryngingsplikta
Landbruksdirektoratet innskjerpar no ytterlegare kravet til kontroll og oppfølging av foryngingsplikta i skogbruket.
Publisert 27.02.2015
"Land og Bruk" nummer 1 - 2015
Første nummer av Land og Bruk i 2015 har mellom anna oversikt over nyttige arrangement, om SMIL- og RMP-ordningane og om ei satsing på frukt og grønt.
Publisert 30.10.2014
Nei til konsesjon
Fylkesmannen har nekta konsesjon for erverv av ein landbrukseigedom i Gjesdal kommune fordi det vil vere ei driftsmessig betre løysing at eigedommen blir selt som tilleggsjord til nabobruk i drift. Landbruksdirektoratet tok ikkje klaga til følgje, og stadfesta Fylkesmannen sitt vedtak.
Publisert 21.10.2014
"Land og bruk" nummer 3 - 2014
I dette nummeret finn ein oppdatert oversikt over møte, kurs og samlingar for kommunane, og kort informasjon og påminningar om kva som skjer på landbruksområdet.
Publisert 20.06.2014
"Land og bruk" nummer 2 - 2014
I dette nummeret står det mellom anna om jordbruksoppgjeret 2014, nye retningslinjer for samarbeid og utveksling av informasjon i saker der det er brot på dyrevelferdslova, og klimaskadar på skogen. Last ned Land og bruk nr. 2 - 2014.
Publisert 10.04.2014
Rogaland får meir midlar til landbruksvikarverksemda
Statens landbruksforvaltning har gjort ei omfordeling av årsverk og midlar for 2014. Etter dette har Rogaland fått ein auke på kr 675.000 slik at samla støtte for 2014 utgjer kr 6.619.900 til landbruksvikarverksemda.
Publisert 07.03.2014
"Land og bruk" nummer 1 - 2014
I dette nummeret av Land og bruk står det mellom anna om bruken av BU-midlane i 2013 og bruken av SMIL-midlane i 2013. Det står og om oppdragsbrevet frå Fylkesmannen til Innovasjon Norge Rogaland om føringar for bruken av BU-midlane i 2014. Last ned Land og bruk nr. 1 - 2014.
