Ekstremvêret "Synne" er på veg

I tillegg har NVE også oppdatert varselet om jord,- sørpe og flaumskredfare (oransje nivå) for kommunane Gjesdal, Forsand, Hjelmeland, Sauda og Suldal.

Varselet om ekstremvêr krev særleg merksemd og oppfølgjing. Fylkesmannen ber derfor kommunane gjera nødvendige førebyggjande tiltak og vurdera forsterka beredskap i helga, seier fylkesberedskapssjef Reidar Johnsen. 

Også snøskredfare

I ettermiddag melder NVE at det også er stor fare for snøskred i Rogaland, både laurdag og søndag. Dette gjeld Sauda og Suldal.  

Følg med og rapporter!

Fylkesmannen ber også kommunane om å følgja med på oppdateringar på met.no og varsom.no. Dersom situasjonen utviklar seg, informerer Fylkesmannen om dette. Me ber også kommunane rapportera om større, uønska hendingar som eventuelt skjer på grunn av ekstremvêret. Desse rapportane kan sendast hit.