Nye reglar for enklare danning av nye kommunar
Stortinget vedtok 13. juni justeringar i inndelingslova og kommunelova for å leggja til rette for enklare prosessar ved danning nye kommunar. Dei nye reglane gjeld frå 1. juli 2016.
Dette innholdet er mer enn ett år gammelt. Informasjonen kan derfor være utdatert.
Lovendringane blir gjort for å gjera prosessane med å danna nye kommunar enklare, men også for å følgja opp spørsmål som har vore uavklarte.
Grenseoppgang mellom deling og grensejustering
I tråd med høyringsforslaget er det nå opna for enklare prosessar knytt til oppdeling av kommunar i når nye kommunar skal dannast.
Forkjøpsrett til aksjar
Det er nå lovfesta at aksjar kan gå frå ein kommune til ein annan i samband med samanslåing eller deling utan at forkjøpsretten etter aksjelova blir utløyst. Dette har vore eit viktig spørsmål å få avklart.
ROBEK-status
Lovendringa avklarer spørsmål om ROBEK-status ved eventuell kommunesamanslåing. Dersom ein ROBEK-kommune går saman ein nabokommune, blir ikkje den nye kommunen automatisk meld inn i ROBEK-registeret.
Meir informasjon finn du på regjeringa si nettside.