Samfunnstryggleik og beredskap

Alle har eit ansvar for å førebyggje uønskte hendingar og kriser, og å handtere dei viss dei likevel skjer. Vi må ta førebyggjande omsyn i alt frå arealplanlegging i kommunane til HMS-tiltak på den enkelte arbeidsplassen. Som innbyggjar kan du utruste deg til å klare deg sjølv i nokre dagar.

Fylkesmannen er eit bindeledd mellom sentrale og lokale styresmakter, og har ei sjølvstendig rolle som pådrivar og rettleiar for arbeidet med samfunnstryggleik og beredskap.

I ein krisesituasjon er politiet, den ansvarlege fagetaten eller kommunen den viktigaste informasjonskjelda til innbyggjarane. Fylkesmannen kan i ein del tilfelle ta eit samordningsansvar for krisehandteringa på regionalt nivå, for å sikre gode og samordna løysingar mellom aktørane. Fylkesberedskapsrådet er eit viktig forum for å ivareta samordningsansvaret. I rådet deltek leiarar av offentlege beredskapsetatar, kommunar, næringsliv og frivillige organisasjonar. 

Råd om eigenberedskap til deg som er innbyggjar i Noreg

Du er ein del av Noregs beredskap. Dersom straumen blir vekke eller du blir isolert av veret, bør du vere rusta til å klare deg sjølv i nokre dagar. Styresmaktene ber oss difor vurdere risiko og sårbarheit i eigen heim. Du bør tenke gjennom kva som kan skje, kva konsekvensar det kan få, og korleis nettopp din familie kan handtere det. Finn gjerne også ut kven som kan trenge di hjelp og korleis du kan bidra. Dei grunnleggande behova dei tre første døgna av ei krise er varme, mat, drikke, legemiddel, hygiene og tilgang til informasjon. Mange av oss har alt ein god del av det vi treng for å klare oss sjølv i nokre dagar, så det er ofte ikkje så mykje som skal til for å komme helt i mål. Her får du gode idear til kva som bør vere på plass i ditt eige beredskapslager.

Vis meir


09.12.2019

Det er sannsynleg at noko usannsynleg vil skje

Sa fylkesmann Rigmor Brøste fredag 6. desember, under fagdagen for ordførarar og varaordførarar med tema samfunnstryggleik.

29.11.2019

Tilskot til klimatilpassing

Kommunar og fylkeskommuner kan søke om statlig støtte til kunnskapsheving på klimatilpassing. Det er satt av 6,4 millionar kroner til ordninga for 2020. Søknadsfristen er 15. februar.

29.11.2019

258 millionar til kommunale klimakutt i 2020

Miljødirektoratet støtter klimatiltak i regi av kommunar og fylkeskommunar. For 2020 er det 258 millionar kr i potten. Fylkesmannen i Møre og Romsdal oppfordrar alle kommunane i fylket til å søke. Søknadsfristen er 15. februar 2020.

28.10.2019

Har du alt du treng for å klare deg sjølv i tre døgn dersom vatn og straum plutseleg blir borte?

Målet med Eigenberedskapsveka 2019, som varer frå 28. oktober til 3. november, er å auke folk sin kunnskap om eigenberedskap, slik at fleire gjer førebuingar.

06.09.2019

NVE sett ned farenivået til grønt for Veslemannen

Veslemannen har falt, og det er ikkje sannsynleg at det vil kome meir skred. Grunna skreda som har gått siste døgnet har NVE sett ned farenivået for Veslemannen til grønt.

02.09.2019

NVE varslar heving til rødt farenivå for Veslemannen

Grunna auka rørsler har NVE heva farenivået for Veslemannen til rødt etter først å ha heva til til oransje tidlegare på dagen.

23.07.2019

NVE varslar om reduksjon til gult farenivå for Veslemannen

Grunna ei utvikling med mindre rørsler har NVE redusert farenivået for Veslemannen til gult.

19.07.2019

NVE varslar heving til rødt farenivå for Veslemannen

Grunna auka rørsler har NVE heva farenivået for Veslemannen til rødt etter først å ha heva til til oransje tidlegare på dagen.

09.07.2019

NVE varslar om reduksjon til gult farenivå for Veslemannen

Grunna ei utvikling med mindre rørsler har NVE redusert farenivået for Veslemannen til gult.

09.07.2019

NVE varslar om rødt farenivå for Veslemannen

Grunna auka bevegelsar har NVE heva farenivået for Veslemannen til rødt.

Fleire nyhende Få nyheitsvarsel