Nytt jordvernbrev - Kommunane må auka innsatsen for å ta vare på matjorda
I eit felles brev frå landbruks- og matminister Geir Pollestad og kommunal- og distriktsminister Erling Sande, gjer dei kommunepolitikarane merksame på det ansvaret kommunane har for at Noreg skal nå målet om å bygge ned mindre matjord.
Stortinget vedtok i fjor ein ny nasjonal jordvernstrategi, etter framlegg frå regjeringa. Strategien inneheld eit nytt og skjerpa nasjonalt mål for omdisponering av dyrka jord, og nye konkrete tiltak for å nå målet.
I eit nytt brev frå dei to statsrådane bes kommunane om å vurdere nøye om det er viktige samfunnsomsyn som ligg til grunn når ein går inn for å omdisponere matjord til utbygging, og om ein har vurdert alle alternativ.
Les meir på nettsida til regjeringa.
Tid for planvask
I brevet står det mellom anna:
Det viktigaste kommunestyret kan gjere, er å sørge for at kommunen har oppdaterte planar som tar arealutfordringane på alvor. I løpet av det komande året skal kommunestyra vedta nye kommunale planstrategiar, der ein vurderer planbehovet framover. Det er viktig at jordvern blir sett på dagsordenen og prioritert i dette arbeidet.
Kontaktpersonar
-
Nina Glomsrud Saxrud
Tlf: 69 24 71 30 / 90 68 66 81 -
Helge Nordby
Tlf: 32 26 67 03 / 99 58 49 69