Skogsvegar

Nyanlegg og utbetring av landbruksvegar og skogsvegar skal godkjennast av kommunen. Alle vedtak om bygging av skogsvegar blir sendt Fylkesmannen til orientering.  

Fylkesmannen har ansvaret for at kommunane følgjer opp regelverk og forskrifter for bygging av landbruksvegar. Fylkesmannen er klageinstans for dei kommunale vedtaka om godkjenning av landbruksvegar. Du kan søkje om tilskot til bygging av skogsvegar. Søknaden skal sendast til kommunen.

Skogfond kan brukast til bygging av nye skogsvegar og ombygging og opprusting av eksisterande skogsvegar. Både skogsbilvegar og traktorvegar er omfatta av denne ordninga. Skogfond kan også brukast til sommarvedlikehald av skogsbilvegar (ikkje traktorvegar).