Folkehelse

Folkehelsearbeid er samfunnets innsats for å påverke faktorar som direkte eller indirekte fremjar helse og trivsel i befolkninga, førebyggjer psykisk og somatisk sjukdom, skade eller liding, eller som vernar mot faktorar som trugar helsa. Folkehelsearbeid er også det å arbeide for ei jamnare fordeling av faktorar som direkte eller indirekte påverkar helsa. 

God folkehelse er eit felles ansvar

Førebyggjande og helsefremmande arbeid er viktig både i og utanfor helsesektoren. Folkehelselova gir fylkeskommunane og kommunane eit hovudansvar for det breie samfunnsretta folkehelsearbeidet.

Folkehelseomsyn i planarbeid

Fylkesmannen skal bidra til å gjennomføre statlege satsingar på folkehelseområdet. Folkehelsearbeidet skal sikre ei berekraftig samfunnsutvikling, der planlegging er eit sentralt verkemiddel. Gjennom råd og rettleiing til kommunar og andre aktørar skal Fylkesmannen vere med på å sikre at folkehelse inngår i kommunale, regionale og statlege planar. Fylkesmannen skal bidra til forpliktande samhandling mellom aktørane.

Fylkesmannen kan dessutan føre tilsyn med at kommunane og fylkeskommunane oppfyller pliktene sine på folkehelseområdet.

Vis meir


15.11.2019

Handlingsplan skal gi betre smittevern

Ein handlingsplan med 37 tiltak skal redusere førekomsten av helsetenesteassosierte infeksjonar, og betre organiseringa og strukturen av smittevernet i Norge.

31.10.2019

Ny rettleiar til det systematiske folkehelsearbeidet

Målet med folkehelselova er å betre befolkninga si helse og fordelinga av denne. Den utvida og reviderte rettleiaren for det systematiske folkehelsearbeidet kan vere ei hjelp i arbeidet. 

22.10.2019

Alle har ei plikt til å hindre vald og overgrep

Dersom du veit, eller trur, at nokon kan bli utsett for vald eller overgrep, kan du ha ei lovpålagt plikt til å forsøke å hindre at det skjer.   

18.10.2019

Helsepersonell med pasientkontakt skal ha tilbod om gratis vaksine

I Norge døyr rundt 900 menneske som følgje av influensa kvart år. Ein del av desse er smitta av helsepersonell.

10.10.2019

Korleis skal vi planlegge for eit aldersvenleg samfunn?

Bli med på Leve heile livet-konferanse i Førde 28. november eller Bergen 3. desember! Påmeldingsfristen er 15. november, og Fylkesmannen i Vestland dekker dagpakke for konferansedeltakarane. 

02.10.2019

Her finn du hjelp til å endre helsevanar og livsstil

Helsedirektoratet har utarbeidd ei rekke kvardagsråd, appar og verktøy for endring av helsevanar og livsstil.

24.09.2019

Kunnskap om vald er viktig i folkehelsearbeidet

I Kommunehelsa statistikkbank finn ein no kommune- og fylkestal for melde tilfelle av vald og mishandling. Kunnskap om, og omfanget av vald er nyttig i det lokale folkehelsearbeidet.

18.09.2019

Ta opp røykeslutt med Stopptober

Visste du at dersom ein klarar 28 dagar utan røyk eller snus, så er sjansen fem gongar så stor for at ein lykkast med slutteforsøket?

13.09.2019

Nye rettleiarar for råd for ungdom, eldre og menneske med funksjonsnedsettingar

Alle kommunar og fylkeskommunar pliktar å opprette råd for ungdom, for eldre, og for personar med funksjonsnedsetting. Nye rettleiarar er no lansert for desse medverknadsråda.

12.09.2019

Helsa varierer mykje mellom innvandringsgrupper

Samanhengen mellom innvandring og helse er svært samansett. Det viser ein ny rapport utarbeidd av Folkehelseinstituttet.

Fleire nyhende