Kommunereforma – mal for fylkesmannen si tilråding
Fylkesmannen har denne veka fått tilsend ein mal for tilrådinga vår om ny kommunestruktur. Malen kan tilpassast det enkelte fylket.
Dette innhaldet er meir enn eitt år gammalt. Informasjonen kan derfor vere utdatert.
Malen frå Kommunal- og moderniseringsdepartementet (KMD) gir også kommunane ein peikepinn på kva som er viktig å leggja vekt på i saksframstillinga og vedtak nå i juni. Kommunane har som kjend ein frist til 1. juli med å gjera vedtak om kommunestruktur, og Fylkesmannen skal gi tilrådinga si innan 1. oktober. Me har tidlegare sendt ut eit brev til kommunane, knytt til saksutreiing og endeleg vedtak, og me har lag ei eiga momentliste.
Les meir: Kommunereforma: Nå nærmar fristen seg
Grenseendringar aktuelt tema
I brevet vårt til kommunane har me mellom anna peika på at kommunane bør ta opp spørsmålet om aktuelle grenseendringar i samband med endelege vedtak. Dette spørsmålet er også nemnt i malen frå KMD.
Dialog
Me ønskjer ein god dialog med kommunane fram mot vedtak - og vidare i prosessen med tilrådinga vår. Denne skal leggjast fram på ei samling 27. september. Det kjem meir informasjon om dette i løpet av juni.
Du finn brevet og malen frå KMD som vedlegg til denne nettsaka.