Næringsmiddelindustrien i Rogaland tar grep om dyrevelferd
«Me står saman om felles utfordringar» er ordlyden frå bransjen etter møtet med Fylkesmannen i Rogaland og Mattilsynet.
Dette innhaldet er meir enn eitt år gammalt. Informasjonen kan derfor vere utdatert.
10. april blei det arrangert eit møte for slakteria og meieria i fylket i regi av landbruksdirektør Geir Skadberg hos Fylkesmannen i Rogaland. Mattilsynet deltok også og kom med innspel til kva industrien kan ta tak i. Målsettinga med møtet var å få bransjen sjølv til å initiere felles tiltak i forhold til dyrevelferd. Møtedeltakarane blei einige om å opprette ei arbeidsgruppe. Fylkesmannen v/Rolf Gunnar Husveg vil legge til rette for arbeidet, og han vil starte opp dette arbeidet når han tiltrer husdyrstillinga hos Fylkesmannen i Rogaland 1. august 2018. Arbeidsgruppa konstituerer seg på første møte.
Representantar i arbeidsgruppa blir Rolf Gunnar Husveg frå Fylkesmannen i Rogaland, representantar frå Q-meieriet, Tine, Prima Jæren, Fatland, og Nortura. Det er ønskeleg at også Rogaland veterinærforeining deltar.
Tiltak som blei drøfta:
- Utvikle «bransjestandardar» for dei ulike produksjonane
- Kompetansebygging; bønder, rådgivarar, veterinærar mfl.