Kommuneøkonomi

Fylkesmannen skal gi råd og rettleiing i økonomiforvaltninga, blant anna knytt til regelverk, inntektssystem og statsbudsjett.

Robek

Kommunar med meirforbruk som ikkje blir nedbetalt etter krava i kommunelova, blir registrert i "Register om betinget godkjenning og kontroll" (Robek). Fylkesmannen skal kontrollere budsjett og økonomiplanar i Robek-kommunar og godkjenne alle vedtak om lån og langsiktige leieavtalar.

Kommunale garantiar

Kommunane kan gi lånegarantiar. Når ein kommune garanterer for eit beløp som overstig 500 000 kroner, skal vedtaket godkjennast av Fylkesmannen.

Skjønnsmidlar

Kommunane kan få skjønnsmidlar, som er ein del av dei statlege overføringane til kommunesektoren. Det er Fylkesmannen som fordeler midlane til kommunen i det enkelte fylket. Tildelinga skjer etter departementets retningslinjer.

Interkommunale selskap

Dersom ein av eigarkommunane i selskapet er underlagt reglane i kommunelovas § 60, skal selskapets vedtak om opptak av lån, godkjennast av Fylkesmannen.

Vis meir


05.06.2019

Oppsummering frå økonominettverket i Balestrand 3. og 4. juni

Årets samling i økonominettverket er gjennomført og arbeidsutvalget takkar alle innleiarar og deltakarar for ein god og innhaldsrik konferanse.

29.05.2019

Revidert nasjonalbudsjett 2019 og kommuneopplegget for 2020

Revidert nasjonalbudsjett for 2019 og kommuneproposisjonen for 2020 vart lagt fram 14. mai.

29.04.2019

Ikkje godkjent budsjett og økonomiplan i Bremanger

Bremanger kommunestyre sitt vedtak om budsjett 2019 og økonomiplan 2019-2022 er ikkje godkjent som følgje av manglande inndekning av akkumulert underskot og ufullstendig finansiering av investeringsbudsjettet. 

12.04.2019

Økonominettverkssamling i Balestrand 3. og 4. juni 2019

Årets samling i økonominettverket er lagt til Balestrand og Kviknes Hotel. Tema for samlinga er mellom anna ny kommunelov, inntektssystemet, kommuneproposisjon 2020, økonomiutvikling og pensjon.

27.03.2019

Vågsøy må handsame budsjett- og økonomiplanen på nytt

Vågsøy kommunestyre har vedteke budsjett- og økonomiplanen for 2019-2022 utan at alle innsparingane er fordelte på tenesteområda. Eit tilskot til fotballhallen i Florø er budsjettert under investeringar, men er for Vågsøy ei driftsutgift. Planen er difor ikkje i samsvar med lov og forskrift, og kommunen må gjere eit nytt vedtak innan 1. juni.

06.02.2019

Lovlegkontroll av budsjett og økonomiplan for Askøy kommune

Fylkesmannen har gjennomført lovlegkontroll av Askøy kommunestyre sine vedtak om budsjett for 2019 og økonomiplan for 2019–2022. Lovlegkontroll er gjennomført etter krav frå fem av representantane i kommunestyret.

09.01.2019

Kostra-rapportering for 2018

Kommunane, interkommunale selskap og kommunale føretak skal rapportere elektroniske skjema og filuttrekk til Statistisk sentralbyrå (SSB) innan 15. februar 2019.

09.01.2019

Nasjonalbudsjett 2018 og kommuneøkonomien 2019

Det er gitt signal om ein realvekst i dei frie inntektene for 2019 på mellom 2,6 og 3,2 mrd. kroner og kommunereforma held fram i ny form. For 2018 syner tal at skatteveksten vert lågare en anslått.

09.01.2019

Revidert nasjonalbudsjett 2018 og kommuneproposisjonen 2019

Med bakgrunn i proposisjonen har vi laga eit samandrag over dei viktigaste økonomiske momenta i kommuneopplegget for 2018 og 2019 i Sogn og Fjordane.

09.01.2019

Statsbudsjettet 2019

Årets statsbudsjettdag er gjennomført og omlag 25 personar frå kommunane fekk med seg TV-overføring av  finanstale, nasjonale tal og tiltak, og vår presentasjon om verknader for kommunane i Sogn og Fjordane.

Fleire nyhende