Orientering om nasjonale prøvar hausten 2023
Nasjonale prøvar blir gjennomført om hausten for elevar på 5., 8. og 9. trinn.
Føremålet er å gje skulane kunnskap om elevane sine grunnleggjande ferdigheiter i lesing, rekning og engelsk. Prøvane gjev resultat om elevar på individ-, gruppe- og skulenivå.
Viktige datoar
- Elevar på 5. og 8. trinn skal gjennomføre nasjonale prøvar i lesing, rekning og engelsk.
- Elevar på 9. trinn skal gjennomføre nasjonale prøvar i lesing og rekning.
|
Veke |
Datoar |
Kva |
|
31 |
1. august |
Påmelding til nasjonale prøvar startar |
|
36-39 |
4. september – 29. september |
Gjennomføringsveker for nasjonale prøvar |
|
39 |
29. september |
Frist for registrering av friteke/ ikkje delteke på alle prøvar. |
Vurdering og skåring av opne oppgåver
Det er rektor sitt ansvar at alle opne oppgåver blir skåra innan fristen. Fristen er siste dag i gjennomføringsperioden. Dersom opne oppgåver ikkje blir skåra innan gitt frist, blir oppgåvene sett til 0 poeng og automatisk bekrefta.
Prøvetid
Å løyse ei prøve i lesing og rekning tek inntil 90 minuttar, og ei prøve i engelsk tek inntil 60 minuttar.
Brukarstøtte
Dersom det oppstår problem undervegs i gjennomføringa av nasjonale prøvar sender skulane spørsmåla til skuleeigar. Dersom spørsmåla gjeld gjenopning av nasjonale prøvar, eller tekniske utfordringar melder skuleeigar/private skuleleiarar dette samla til oss. De finn kontaktpersonar i høgremargen.