750.000 kroner til arbeidet mot arbeidslivskriminalitet
Fylkesmannen i Vestfold og Telemark har løyvd 750.000 kroner for å fremme det seriøse, kvite næringslivet.
Dette innhaldet er meir enn eitt år gammalt. Informasjonen kan derfor vere utdatert.
Publisert 22.07.2020
I bygge- og anleggsbransjen har kriminelle og useriøse verksemder lenge vore eit problem. Kommunane skal bli betre i kontrollen og oppfølginga si av kommunale bygge- og anleggsprosjekt. Tilskotet frå Fylkesmannen skal finansiere ein prosjektkoordinator i Horten kommune, på vegne av fleire kommunar.
Tiltaket er ein del av «Medbyggerne», eit mangeårig samarbeid mellom bedrifter i bygg- og anleggsbransjen, laug, handverkarforeiningar, næringsforeiningar og byggevarehus, offentleg forvaltning, LO og NHO i Vestfold og Telemark.