Søknad om utsleppsløyve frå Nortura Sandeid
- Høyringsfrist:
- 13. mai 2014 23:30
Det er søkt om utvida løyve til slakteriverksemd på anlegget i Vindafjord. Saksdokumenta er lagt ut til offentleg ettersyn og merknader kan sendast Fylkesmannen innan fem veker.
Nortura Sandeid har søkt Fylkesmannen om utsleppsløyve etter forureiningslova for slakteriverksemd på eigedommen gnr. 13 og bnr.129, 132, 229, 255, 199 i Sandeid i Vindafjord kommune.
Nortura Sandeid tar i mot og slaktar storfe, småfe og gris. Verksemda har allereie eit utsleppsløve, men søkjer nå om å auke produksjonen og utsleppet. Det er søkt om å slakte til saman 11 000 tonn/år og skjære 1500 tonn/år. I tillegg søkjer Nortura om produksjon av 1500 tonn plussprodukt årleg.
Nortura Sandeid er knytta til offentleg nett og avløpet vert slept ut innerst i Sandeidfjorden.
Søknaden og saksdokumenta er lagt ut til offentleg ettersyn i Vindafjord kommune og i dokumentlenkene til høgre.
Merknader til søknaden skal sendast til Fylkesmannen i Rogaland, miljøvernavdelinga, postboks 59, 4001 Stavanger, innan fem veker frå kunngjeringstidspunktet.
- Høyringsfrist:
- 13. mai 2014 23:30