Søknad om utfylling av sprengsteinsmassar i sjø i Lysebotn
- Høyringsfrist:
- 27. februar 2014 15:30
Lyse Produksjon AS har søkt om løyve etter forureiningslova til utfylling av sprengsteinsmassar i sjø for etablering av småbåthamn og molo i Lysebotn i Forsand kommune.
Lyse Produksjon AS er i gang med å oppgradere eksisterande kraftstasjon i Lysebotn. I samband med arbeida skal det drivast nye tunnelar, og Lyse Produksjon AS vil derfor få eit overskot av sprengstein. Mesteparten av sprengsteinsmassane er planlagt brukt til å etablere småbåthamn og molo i Lysebotn. I samband med desse planane har Lyse Produksjon AS søkt om utfylling i sjø.
Forsand kommune arbeider med å få på plass ein reguleringsplan for området. Reguleringsplanen er for tida ute på offentleg ettersyn.
Utfyllinga i Lysebotn omfattar om lag 500 000 m3 sprengstein, og den vil dekke eit areal på ca. 41 000 m2 på sjøbotnen.
Det vil i eit løyve settast krav til mellom anna avfallshandtering og til støyutslepp. Det vil vidare settast vilkår om internkontroll, og det kan også hende Fylkesmannen setter krav om tiltak for å hindre spreiing av forureina sjøbotnsediment under arbeida.
Søknadsdokumenta vert lagt ut til offentlig ettersyn i Forsand kommune og i dokumentlenkene til høgre.
Eventuelle merknader til søknaden kan sendast fmropost@fylkesmannen.no eller Fylkesmannen i Rogaland, postboks 59 sentrum, 4001 Stavanger.
- Høyringsfrist:
- 27. februar 2014 15:30