Endring av løyve til utfylling ved Buøy, Bangarvågen

Fylkesmannen ga 14.03.2014 løyve til utfylling av sprengsteins- og morenemassar i sjø ved Buøy i samband med driving av tunnelar i Ryfastsambandet. Løyvet omfatta også etablering av anleggsveg tvers over indre del av Bangarvågen. Nye berekningar av stabilitet medfører at Statens vegvesen søkjer om å flytta traseen for anleggsvegen til botnen av Bangarvågen. I samband med byggjinga av anleggsvegen er det naudsynt med masseutskifting ved at oppmudra botnsediment blir erstatta av sprengstein. Tiltaket skal etter planen gjennomførast i perioden august – oktober 2014.

Førehandsvarsel er sendt til kopiadressatane til løyvet av 14.03.2014. 

Frist for uttale er sett til 3 veker. Uttaler kan sendast til Fylkesmannen i Rogaland, postboks 59, 4001 Stavanger eller fmropost@fylkesmannen.no.