Fagdag om psykososialt læringsmiljø

Tema for fagdagen er barn og unge sitt psykososiale læringsmiljø. Elevundersøkinga viser at mange kommunar i Møre og Romsdal har utfordringar når det gjeld å gje barn og unge eit trygt og godt læringsmiljø. Fylkesmannen i Møre og Romsdal satsar derfor særskilt på dette temaet i 2015. Oppvekst og utdanningsavdelinga har oppretta eit samarbeid med Nasjonalt senter for læringsmiljø og åtferdsforsking ved Universitetet i Stavanger (UiS), til dagleg kalla Læringsmiljøsenteret. Læringsmiljøsenteret er ein sentral samarbeidspartnar for nasjonale styresmakter og ein viktig bidragsyter i arbeidet med å betre læringsmiljø for barnehagebarn, elevar, lærlingar og vaksne. Janne Støen, universitetslektor ved UiS og leiar av Læringsmiljøprosjektet,

vil halde innlegg om mekanismane i mobbing, avdekking og stopping av mobbing.

I tillegg til å legge til rette for fagleg påfyll og utvikling, vil Fylkesmannen i år rettleie og følgje opp kommunane gjennom tilsyn på kapittel 9A. Rettleiinga vil vere ein del av programmet denne dagen.

Målgruppe for fagsamlinga er skulefagleg ansvarleg i kommunane og fylkeskommunen, skuleleiarar, leiarar i PPT, samt representantar frå KS, Høgskulen i Volda, Utdanningsforbundet Møre og Romsdal og Skolelederforbundet Møre og Romsdal. Innhaldet for dagen er retta mot skuleområdet, men representantar frå barnehagesektoren er velkomen til å delta.

Kostnad: Dagpakke inkl lunsj kr 465,- gjer den enkelt deltaker opp med hotellet sjølv. For fakturering må det avtalast på førehand med hotellet.