Etterutdanningskurs for lærarar og leiarar i vaksenopplæringa

Fylkesmannen samarbeider med Vox og får nasjonale midlar til gjennomføring av kurssamling 1) Norskopplæring for vaksne innvandrarar og kurssamling 2) Grunnskoleopplæring for vaksne. Deltakarane vil få gratis kurs- og hotellopphold med overnatting i dobbeltrom på Union hotell fra 19.-21. oktober. Evt. enkeltromstillegg (kr. 430,- for 2 netter, kr. 215,- pr natt) skal betalast av den enkelte til hotellet ved innsjekking!

Dag 3 er komen med som erstatning for den tidlegare interkommunale studiedagen i Molde i august kvart år. Fylkesmannen i Møre og Romsdal ønskjer at alle lærarar og leiarar i vaksenopplæringa i fylket deltar på Geirangersamlinga.

Samlinga startar med frammøte/registrering/lunsj måndag 19. oktober kl. 11.30 og avsluttar med lunsj og felles avreise onsdag kl. 13.00. Det vil bli sett opp bussar i regi av vaksen-opplæringssentra i kvar region som tidlegare. Nærare informasjon om dette blir sendt ut av dei største vaksenopplæringssentra i kvar region. 

Elektronisk påmelding innan 20. september. Spørsmål om påmeldinga kan rettast på epost fmmrkurs@fylkesmannen.no eller på telefon 71 25 84 09 og 71 25 85 05 

NB! Påmeldinga er bindande etter 1. oktober. Hotellet vil kunne fakturere rekning til kommunane/ vaksenopplæringa for evt. fråfall etter denne datoen. Ved ikkje frammøte, må det betalast full rompris.

Stadfesting av påmelding: Når du har meldt deg på vil du motta ei stadfesting på epost. Informasjonen i denne eposten skal brukast dersom ein kontaktar fylkesmannen for spørsmål og avklaringar.