Sjekk kartet før du plukkar ramsløk!

Pesto-trend gir slitasje

Ein trend dei seinare år er å bruka blada til å laga pesto, og mange plukkar store mengder som hamnar på kjøkkenbenken. Ramsløk veks i nokre av Vestfold og Telemark sine rikaste edellauvskogar. Nokre av desse er verna, og her er det i hovudregelen forbode å plukka planter.

- Vi har fått meldingar om at ein no ser slitasje på bestand av ramsløk i enkelte av verneområda, fortel fagsjef Arne Christian Geving på miljøavdelinga hos Statsforvaltaren. – Dette handlar nok først og fremst om uvitenhet.

Sjekk kartet før du plukkar

Artsdatabanken har kart over registrerte forkomstar. Samtidig kan du sjå kvar det er verneområde, slik at du ikkje plukkar uloveleg.

Sjekk kartet over ramsløk på Artsdatabanken.no

Forbode i fleire naturreservat

I Vestfold og Telemark har vi tre kjente naturvernområde med ramsløk der ein har aukande bekymring på grunn av mykje plukking:

• Bogen naturreservat i Holmestrand
• Strandvika naturreservat i Sandefjord
• Tangvald naturreservat i Bamble

I alle tre områda er det forbudt å plukke ramsløk.

Plant ramsløk i eigen hage

Hugs at du og kan plante ramsløk i eigen hage. Hagesentra seljer frø og plantar, og kan gje gode råd.

Lenke til meir informasjon om "nordens kvitlauk" og nokre gode "ramsløkvettreglar"