Nasjonal leiarutdanning for primærhelsetenesta

Nasjonal leiarutdanning for primærhelsetenesta er eit sentralt verkemiddel for styrka leiarskap i kommunale helse- og omsorgstenester. Søknadsfrist er 15. april 2020.

Dette innhaldet er meir enn eitt år gammalt. Informasjonen kan derfor vere utdatert.

Publisert 14.02.2020

Utdanninga er eit samarbeid mellom KS og Helsedirektoratet, og det er eit samlingsbasert masterprogram som gir 30 studiepoeng.

Den rettar seg primært til leiarar i helse- og omsorgstenesta i kommunar og tannhelsetenesta i fylkeskommunar. Dette omfattar til dømes leiarar i psykisk helsearbeid og rusarbeid, kommunale institusjonar og sjukeheimar, heimebaserte omsorgstenester, helsestasjons- og skulehelsetenesta, habiliterings- og rehabiliteringstenesta, og mellom anna overtannlegar og klinikkleiarar i offentleg tannhelseteneste.

Frå hausten 2020 vil det bli høve å søkje oppstart i ny klasse ved BI Stavanger. I tillegg blir det høve til å søkje til ein av dei tre klassene som startar hausten 2020 ved BI i Oslo.

Søknadsfrist er 15. april 2020.

Meir informasjon finn du i lenker og dokument i høgremargen. 

Fann du det du leitte etter?

Ta gjerne kontakt med oss via sikker melding dersom du ønskjer at vi skal svare deg.