Beredskap

Oppdatert 12.03.2024

Vi lever i eit trygt og stabilt samfunn, men når samfunnet blir råka av ei stor hending eller krise, må vi ha ein plan for korleis vi skal handtere situasjonen. Vi treng planar for krisehandtering, og vi må øve på krisesituasjonar i tråd med planane. Alle aktørar på sentralt, regionalt og lokalt nivå har ansvar for både å planlegge og øve. 

I tillegg til å øve eigen kriseorganisasjon, har Statsforvaltaren ansvar for jamleg å øve kriseleiinga i kommunane. Statsforvaltaren skal dessutan vere ein pådrivar for øvingar som involverer andre regionale fagetatar, som til dømes Forsvaret. 

Beredskap er ein viktig del av samfunnsplanlegginga

Ei anna viktig oppgåve for Statsforvaltaren er å sjå til at vi i samfunnsplanlegginga tek beredskapsomsyn, og at kommunane har eigne kriseplanar. 

Statsforvaltaren skal koordinere den regionale atomberedskapen og medverke til at regionale og lokale etatar utviklar planar for å kunne handtere ei atomulykke. Her er det Statens strålevern som er nasjonal fagetat.

Du er også ein del av Noregs beredskap

Dersom straumen blir vekke eller du blir isolert av veret, bør du vere rusta til å klare deg sjølv i nokre dagar. Styresmaktene ber oss difor vurdere risiko og sårbarheit i eigen heim. Du bør tenke gjennom kva som kan skje, kva konsekvensar det kan få, og korleis nettopp din familie kan handtere det. Finn gjerne også ut kven som kan trenge di hjelp og korleis du kan bidra. Dei grunnleggande behova dei tre første døgna av ei krise er varme, mat, drikke, legemiddel, hygiene og tilgang til informasjon. Mange av oss har alt ein god del av det vi treng for å klare oss sjølv i nokre dagar, så det er ofte ikkje så mykje som skal til for å komme helt i mål. Her får du gode idear til kva som bør vere på plass i ditt eige beredskapslager.

Vis meir

Fann du det du leitte etter?

Ta gjerne kontakt med oss via sikker melding dersom du ønskjer at vi skal svare deg.

Publisert 13.01.2020

Svært høg vasstand natt til onsdag. Fare for oversvømmingar

Det er varsla høg vasstand i Rogaland natt til onsdag. Varselet er på oransje nivå, som er det nest høgaste og betyr stor fare


Publisert 17.12.2019

Samfunnssikkerhetskonferansen 2020: Sammen for et tryggere Norge

Samfunnssikkerheitsforsking, beredskap og nye trusselbilete. Det er tema for den årlege Samfunnssikkerhetskonferansen 6. januar 2020. Påmeldingsfristen er 20. desember. 


Publisert 13.12.2019

Radioaktivt avfall i Eigersund: Politiet undersøker kor kjelda kom frå

Kjelda er ei metallstong, om lag éin meter lang, med eit radioaktivt belegg. Stonga er brukt i industrien til å fjerna statisk elektrisitet. Ho er nå forsvarleg sikra – og blir transportert og avfallshandtert i tråd med regelverket.


Publisert 12.12.2019

Funn av radioaktivt avfall på gjennvinningsanlegg i Eigersund

Direktoratet for strålevern og atomsikkerhet (DSA) handterer ei hending der radioaktivt avfall er oppdaga i ein kontainar som skulle til metallgjenvinning i Eigersund kommune. Kontainaren er sperra av - og Sivilforsvaret og DSA har utført målingar.


Publisert 11.12.2019

Høg vasstand i kveld. Fare for oversvømmingar

Meteorologisk institutt har i dag sendt ut varsel om høg vasstand i kveld. Vasstanden er venta på sitt høgaste mellom kl. 22 og midnatt.


Publisert 10.12.2019

Kraftige vindkast og mykje regn

Dette er ikkje dagen å bevega seg for mykje ute, dersom du absolutt ikkje må. 


Publisert 31.10.2019

Har du alt du treng for å klara deg sjølv i tre døgn?

Styresmaktene tilrårr at alle husstandar i Norge tar nokre enkle grep for å betra eigen beredskap.


Publisert 14.10.2019

Sokndal kommune får 700 000 frå staten etter skogbrannane i april 2019

Sokndal kommune søkte om dekking av utgiftene som dei fekk som følgje av brannane og Kommunal- og moderniseringsdepartementet har no innvilga søknaden med kroner 700 000.


Publisert 28.08.2019

Det er venta mykje regn i Nord-Rogaland

Farevarselet frå Meteorologisk institutt er oppjustert frå gult til oransje nivå. Dei fleste vêrmodellane viser at dei kraftigaste bygene er venta i Hordaland. Nord-Rogaland ser ut til å treffast med byger i den nedre delen av skalaen. 


Publisert 03.07.2015

Flaumfare i Sauda og Suldal

Onsdag varsla NVE flaumfare på gult nivå i Suldal. I dag er aktsemdsnivået heva til oransje og gjeld både Suldal og Sauda.