Endra tilskot for miljøvennleg gjødsling nær vassdrag

Her er nokre sentrale endringar omtalt. Sjå fullstendige vilkår i lenke til tilskotsomtalane.

Kantsone i eng

Kvart føretak kan få tilskot inntil kr 22 500 for å halde større avstand til vassdrag ved bruk av husdyrgjødsel, mineralgjødsel og plantevernmiddel.

Nokre viktige endringar sidan i fjor:

• No er det mogleg å søkje tilskot i 91 nye område
• Nokre vassdrag frå tidlegare år er ikkje lenger med i ordninga
• Tiltaket gjeld enkelt-vassførekomstar med behov for jordbrukstiltak, sjå kart! Tidlegare var tilskotet vore knytt til heile vassdrag.
• I vassdrag med elvemusling gjeld tiltaket derimot framleis i heile nedbørsfeltet til vassdraget, altså langs alle elvar, vatn, bekkar og kanalar som drenerer til same elva

Spreiing av all husdyrgjødsel om våren og/eller i vekstsesongen

Nær elvemuslingsvassdrag kan føretak få tilskot inntil kr 45 000 for å spreie all husdyrgjødsla innan 10. august. Ein kan i tillegg søkje om RMP-tilskot til kantsone i eng.

Nokre viktige endringar sidan i fjor:

• Tiltaket gjeld no berre føretak med mjølkekyr
• Ordninga er utvida med 5 elvemuslingsvassdrag

Nedlegging av husdyrgjødsel, nedfelling og spreiing med tilførselsslange

For desse tiltaka er det berre mindre endringar.