Statsforvaltaren fekk nytt og kjønnsnøytralt namn 1. januar 2021. Det gamle namnet vårt var Fylkesmannen.

Samfunnstryggleik og beredskap

Alle har eit ansvar for å førebyggje uønskte hendingar og kriser, og å handtere dei viss dei likevel skjer. Vi må ta førebyggjande omsyn i alt frå arealplanlegging i kommunane til HMS-tiltak på den enkelte arbeidsplassen. Som innbyggjar kan du utruste deg til å klare deg sjølv i nokre dagar.

Statsforvaltaren er eit bindeledd mellom sentrale og lokale styresmakter, og har ei sjølvstendig rolle som pådrivar og rettleiar for arbeidet med samfunnstryggleik og beredskap.

I ein krisesituasjon er politiet, den ansvarlege fagetaten eller kommunen den viktigaste informasjonskjelda til innbyggjarane. Statsforvaltaren kan i ein del tilfelle ta eit samordningsansvar for krisehandteringa på regionalt nivå, for å sikre gode og samordna løysingar mellom aktørane. Fylkesberedskapsrådet er eit viktig forum for å ivareta samordningsansvaret. I rådet deltek leiarar av offentlege beredskapsetatar, kommunar, næringsliv og frivillige organisasjonar. 

Råd om eigenberedskap til deg som er innbyggjar i Noreg

Du er ein del av Noregs beredskap. Dersom straumen blir vekke eller du blir isolert av veret, bør du vere rusta til å klare deg sjølv i nokre dagar. Styresmaktene ber oss difor vurdere risiko og sårbarheit i eigen heim. Du bør tenke gjennom kva som kan skje, kva konsekvensar det kan få, og korleis nettopp din familie kan handtere det. Finn gjerne også ut kven som kan trenge di hjelp og korleis du kan bidra. Dei grunnleggande behova dei tre første døgna av ei krise er varme, mat, drikke, legemiddel, hygiene og tilgang til informasjon. Mange av oss har alt ein god del av det vi treng for å klare oss sjølv i nokre dagar, så det er ofte ikkje så mykje som skal til for å komme helt i mål. Her får du gode idear til kva som bør vere på plass i ditt eige beredskapslager.

Vis meir


18.12.2020

Sambandsøving og informasjon om Nødnett i beredskapssituasjonar

I overkant av halvparten av kommunane deltok i den årlege sambandsøvinga tidlegare i denne månaden. Tilbakemeldingar frå deltakarane viser at mange synst det er nyttig å øve på bruk av sambandsutstyr, og at øvingsforma fungerte godt.


10.12.2020

TISK-øving i regi av Fylkesmannen

Kva strategi har kommunen for krisekommunikasjon ved eit lokalt smitteutbrot? I kva grad vert det nytta «nabohjelp» for å sikre ei god krisehandtering? Det er nokre av problemstillingane kommunane har drøfta når dei har øvd på å handtere lokale smitteutbrot.


13.11.2020

Endringar i farevarsel om høg vasstand

Meteorologisk institutt ønskjer å rette merksemda på faregrad og konsekvensane av den totale vasstanden ved varsling om høg vasstand. Frå 16. november blir det difor gjort endringar i utforminga av desse farevarsla. 


04.11.2020

Webinar om kommunanes oppgåver ved lokalt smitteutbrot

Fylkesmannen inviterte kommunane til webinar torsdag 5. november, om TISK-strategi og oppgåver ved lokale smitteutbrot. 


26.10.2020

Digital fagsamling om koronapandemien

Fylkesmannen arrangerer faste årlege samlingar for kommunane og regionale aktørar innan samfunnstryggleik og beredskap. Årets samling var digital og samla deltakarar frå heile Vestland til fagleg påfyll om koronapandemien.


06.10.2020

Webinar om TISK-øving for kommunane

Fylkesmannen inviterer til webinar for å orientere om øvingsopplegg for kommunal kriseleiing og smittesporingsteam.


07.07.2020

Digital fagsamling om samfunnstryggleik og beredskap

Fylkesmannen v/helse-, sosial- og barnevernsavdelinga og beredskapsseksjonen inviterer til digital fagsamling om samfunnstryggleik og beredskap 20. oktober 2020. 


02.07.2020

Erfaringar så langt frå covid-19-pandemien

Kva har vore positivt, og kva kan vi bli betre på i neste fase av handteringa?


20.05.2020

Telefonmøte om vårflaumsituasjonen

I dag gjennomførte Fylkesmannen, i samarbeid med NVE, eit telefonmøte med kommunane og aktørane i fylkesberedskapsrådet om vårflaumsituasjonen i fylket.


06.04.2020

Faktaark om falske nyhende

Falske nyhende kan i verste fall føre til mistillit mellom styresmaktene og innbyggjarane, med fare for at folk handlar i strid med viktige råd og retningslinjer knytt til Covid-19-krisa.


Fleire nyhende Få nyheitsvarsel