Naturmangfald

Naturen skal forvaltast slik at plantar og dyr som finst naturleg i Noreg, skal sikrast i levedyktige bestandar. Vi skal også ta vare på den variasjonen som finst i naturtypar, landskap og geologi.

Alle har ansvar for naturmangfaldet

Alle typar inngrep i naturen kan true naturmangfaldet. Vi må derfor alltid vurdere konsekvensane av inngrep som for eksempel større vegar eller nye bustadområde.

Dei to viktigaste lovene for å sikre naturmangfaldet er naturmangfaldlova og plan- og bygningslova. Naturmangfaldlova pålegg styresmaktene å vurdere tiltak når naturen er trua.

Fylkesmannen er med på å sikre at leveområde, artar og naturressursar blir tekne vare på, blant anna ved å kontrollere at kommunane følgjer naturmangfaldlova, og sørgje for at kunnskap om miljøet blir lagt til grunn for kommunale avgjerder.

Trua artar og naturtypar

Meir enn 2000 plante-, sopp- og dyreartar står i fare for å bli utrydda i Noreg.  Regjeringa har peikt ut nokre av dei trua artane og naturtypane som «prioriterte artar» eller «utvalde naturtypar». Desse blir det teke særleg omsyn til i forskrifter til naturmangfaldlova. Fylkesmennene har ansvar for det faglege grunnlaget for nye handlingsplanar for trua artar og naturtypar, og for å gjennomføre tiltaka når planane er vedtekne. I mange tilfelle blir tiltaka utførte i samarbeid med grunneigarar, kommunar og foreiningar. 

Framande artar

Framande artar er plantar og dyr som ikkje høyrer naturleg heime i naturen vår. Meir reising, meir handel og eit mildare klima er nokre av årsakene til at det kjem nye framande artar til Noreg.

Det er viktig at framande artar ikkje skadar økosystema våre. Fylkesmennene deltek i arbeidet med å nedkjempe framande skadelege artar, blant anna ved å fjerne framande plantar frå verneområde og informere hageeigarar om kva for plantar dei helst ikkje bør bruke. Fylkesmannen har også oppgåver knytte til kartlegging og overvaking av framande artar.

Vis meir


08.06.2020

Endring i reglane om nydyrking

Landbruks- og matdepartementet har fastsett endringar i forskrift om nydyrking. Det er innført forbod mot dyrking av myr frå 02.06.2020, men kommunen kan likevel tillate dyrking av myr når bestemte vilkår er oppfylte.

28.05.2020

Ta vare på fuglane i slåtten

Du kan no få tilskot om du tek omsyn til åkerrikse, vipe og storspove i slåtten. 

26.05.2020

Send ein takk til biene!

Når du tek ein bit av årets første norske jordbær, kan du godt sende ein takk til biene. Desse insekta er heilt nødvendige for at økosystem og samfunn skal fungere.

11.05.2020

Etablering av sandstrand krev løyve

Skal du legge ut sand for å vedlikehalde eller lage ei ny sandstrand, må du søke om løyve både frå Fylkesmannen og frå kommunen. 

08.05.2020

Omfattande bifangst av oter i fiskereiskap

Norsk Institutt for Naturforskning (NINA) fann i ein studie at 76 prosent av den daude oteren som var samla inn, drukna i torskeruser og anna fiskeutstyr. Studiet er gjort i Hordaland, men funna er truleg representative for heile Vestlandet.

07.05.2020

Kartlegging av naturtypar i Vestland

Sommaren og hausten 2020 blir det på oppdrag frå Miljødirektoratet gjennomført kartlegging av naturtypar i delar av Stord, Bømlo og Sveio kommunar.

06.05.2020

Høyring av frivillig skogvern av Berdalen i Lærdal kommune

Som ein del av arbeidet med frivillig skogvern sender vi ut forslag om vern av Berdalen i Lærdal på høyring. Området har gamal barskog og er vurdert som svært verneverdig. Frist for uttale er 4. juli.

22.04.2020

Ta omsyn til hekkande sjøfuglar!

Sjøfuglane er i sterk tilbakegang, og det er viktig at alle respekterer ferdselsforbodet i sjøfuglreservata frå april og ut juli.

21.04.2020

Støtte til kommunedelplan for naturmangfald

Kommunar kan søkje økonomisk støtte til å lage kommunedelplanar for naturmangfald. Fristen for å søkje er 6. mai 2020.

20.03.2020

Blir krykkjene i Måløy kråkemat igjen?

Mange av dei siste krykkjene i Sør-Noreg hekkar i ei fjellskjering i Måløy. Der er dei truga av kråke og ramn. Og av folk som matar fuglar...

13.03.2020

Energisaker i Vestland i 2019

Fylkesmannen handsama totalt 115 energisaker i 2019, fordelt på vasskraft, nettanlegg og vindkraft.

24.01.2020

Kjøp av tenester - sekretariat for to villreinnemnder

Fylkesmannen ynskjer å inngå ny avtale om sekretariatsfunksjon for to villreinnemnder. Sekretariatet skal førebu og legge til rette for nemndene si saksbehandling og møteverksemd.

20.12.2019

Tilskot til tiltak mot framande artar

Ønskjer du å fjerne framande artar? Lag og personar kan søke om økonomisk støtte til arbeidet, med frist 15. januar

12.12.2019

Innmeldingsskjema om sårbare naturtypar og artar i sjø

Veit du om sårbare artar eller spesiell natur i sjøen, kan du melde det inn her. 

12.12.2019

Forslag om å opprette Stemnebøskogen naturreservat i Gulen kommune

Fylkesmannen har sendt si tilråding til Miljødirektoratet om å opprette Stemnebøskogen naturreservat på Hisarøyna i Gulen. 

15.11.2019

Vi ønskjer informasjon om sårbare naturtypar og artar i sjø

Kartlegging av naturmangfald i sjø er ei mangelvare. Dersom du veit om sårbare artar eller spesiell natur i sjøen, vil vi gjerne at du melder det inn til oss. 

06.11.2019

Oppstart av arbeid med frivillig skogvern i to område i Sogn og Fjordane

Etter ønskje frå grunneigarane melder Fylkesmannen formell start av arbeid med frivillig skogvern av to område: Bjordal i Fjaler kommune og Berdalen i Lærdal kommune. Frist for å kome med innspel er 5. desember 2019.

13.09.2019

Framlegg om skogvern - Stemnebøskogen naturreservat

Fylkesmannen i Vestland melder med dette at vi har sendt på høyring eit framlegg om å opprette Stemnebøskogen naturreservat på Hisarøyna i Gulen i Sogn og Fjordane.

28.08.2019

Kvifor dør insekta våre, og korleis kan vi hjelpe dei?

Bli med på insektkonferansen «Stikk» som går av stabelen på Naturhistorisk museum i Bergen fredag den 20. september.

01.07.2019

Krykkjer på flyttefot

Ein av dei mest utryddingstruga fugleartane i Noreg hadde funne ut at Måløy er ein grei stad å bu. Det viste seg etter kvart å bli eit problem for mange partar, og tiltak blei sett i verk for å tilby krykkjene alternativ bustad.

28.05.2019

Kartlegging av naturtypar i Hordaland og Sogn og Fjordane

Sommaren og hausten 2019 blir det gjennomført kartlegging av naturtypar i delar av Lærdal, Bergen, Kvinnherad, Os og Tysnes kommunar.

21.02.2019

Oppstart av frivillig skogvern i tre område i Hordaland

Etter ønskje frå grunneigarane melder vi formell start av arbeid med frivillig skogvern i Fusa, Kvinnherad og Meland. Frist for innspel er 13. mars 2019.

11.02.2019

Vi vil fjerne minken på Fedje

Statens naturoppsyn og Fylkesmannen i Vestland samarbeider om å fjerne mink i Fedje kommune. Arbeidet startar opp i februar. Målet er å ta ut mest mogleg mink før han ynglar.