Avfall og gjenvinning

Avfall og gjenvinning omfattar innsamling, mottak, lagring, behandling, gjenvinning og anna handtering av avfall. Dette kan føre til utslepp av klimagassar, tungmetall og andre miljøgifter.

Farleg avfall

Farleg avfall kan ikkje handterast saman med vanleg avfall. Farleg avfall inneheld helse- og miljøfarlege kjemikaliar som kan føre til alvorleg forureining og skade menneske og dyr. Verksemder som produserer farleg avfall, har plikt til å levere avfallet til eit godkjent avfallsmottak. Før transport skal avfallet deklarerast elektronisk på www.avfallsdeklarering.no

Fylkesmannen kan gi løyve

Fylkesmannen er forureiningsstyresmakt for dei fleste avfallsanlegg og kan gi løyve til verksemd som fører til forureining. Dette omfattar anlegg for mottak, sortering og behandling av avfall, bilvrakplassar, deponi, komposteringsanlegg og forbrenningsanlegg. Når Fylkesmannen gir slike løyve, må verksemda i nokre tilfelle setje i gang spesifikke tiltak for å minske ulempa for andre. Fylkesmannen skal også hente inn avfallsplanar frå hamner og drive tilsyn med dei.

Fylkesmannen kontrollerer avfallsanlegga for å sikre at krava i løyva blir etterlevde. Det er forureiningslova, avfallsforskriftene, internkontrollforskrifta og løyva som er gitt, som ligg til grunn for kontrollane. 

Vis meir


17.09.2020

Kunngjering - Endra løyve til avfallsanlegg i Bergen kommune

Arna Jordsortering AS har 16. september 2020 fått løyve etter forureiningslova til avfallsanlegg i Langedalen i Bergen kommune.

11.09.2020

Kunngjering - endra løyve til avfallsanlegg

NOBI AS har fått endra løyve etter forureiningslova til avfallsanlegg på Bjørkemoen i Voss herad.

28.08.2020

Kunngjering - Løyve etter forureiningslova til drift av avfallsanlegg i Simadalen

Lindum AS har 18. august 2020 fått løyve etter forureiningslova til avfallsanlegg i Simadalen i Eidfjord kommune

27.08.2020

Kunngjering - Mellombels løyve til mottak og sortering av massar frå Slettebakken deponi

Veidekke industri MM AS Bergen har 18. juni 2020 fått mellombels løyve etter forureiningslova til mottak og sortering av inntil 300 tonn massar frå Slettebakken deponi.

27.08.2020

Kunngjering - Løyve etter forureiningslova til drift av avfallsanlegg på Ågotnes

Stena Recycling AS avd. Ågotnes har 10. mars 2020 fått løyve etter forureiningslova til mottak, lagring og behandling av 50 000 tonn jern og metall, 5000 tonn EE-avfall og inntil 3000 tonn batteri på CCB på  Ågotnes i Øygarden kommune.

02.07.2020

Ny forskrift om bruk av betong og tegl frå riveprosjekt

Frå 1. juli 2020 er bruk og disponering av betong og tegl frå riveprosjekt regulert i kapittel 14A i avfallsforskrifta. 

08.05.2020

Kunngjering - endra løyve til avfallsanlegg på Eidsmona

Fylkesmannen har vedteke å endre Nordfjord Miljøverk iks sitt utsleppsløyve etter forureiningslova til avfallsanlegg på Eidsmona.

28.04.2020

Tilsyn med avløpshandteringa i Askøy kommune

Fylkesmannen gjennomførte tilsyn 11. og 12. desember 2019 med Askøy kommune med tema avløpshandtering.

23.04.2020

Miljøtilsyn i 2019

Fylkesmannen gjennomførte over 100 tilsyn på forureiningsområdet i fjor.

15.04.2020

Søknad om løyve til avfallsanlegg på Sunde industriområde

Byggservice AS søkjer om løyve til å motta, mellomlagre, knuse og gjenbruke asfalt og betong i Kvinnherad. Frist for uttale er 15. mai 2020. 

02.04.2020

Informasjon til avfallsanlegg

For å unngå at avfall hoper seg opp som følge koronasituasjonen gir Miljødirektoratet avfallsanlegg mellombels løyve til å ta imot og lagre meir avfall. Dei har også bedd kommunane halde gjenvinningsstasjonane opne for å sikre eit minimumstilbod.

27.03.2020

Kunngjering - Løyve til tiltak på Slettebakken deponi

Bergen kommune har 13. mars 2020 fått løyve etter forureiningslova til etablering av avskjærande grøft og uttak av avfallsmassar for pilotforsøk på Slettebakken deponi i Bergen. 

26.03.2020

Kunngjering - Løyve til avfallsanlegg på Espehaugen

Løvaas Maskin AS har den 19. mars 2020 fått løyve etter forureiningslova til avfallsanlegg på Espehaugen i Bergen. 

20.03.2020

Kunngjering - Nytt løyve til avfallsanlegg på Ågotnes

Stena Recycling AS har den 10. mars fått løyve etter forureiningslova til avfallsanlegg på CCB-basen på Ågotnes i Askøy kommune.  

20.03.2020

Kunngjering - Mellombels løyve til avfallsanlegg på Eidsmona

Retura Nomil as har fått løyve til å lagre smittefarleg avfall på sitt anlegg på Eidsmona i Gloppen kommune. Løyvet er utferda som eit mindre tillegg til eksisterande løyve. 

21.02.2020

Kartlegg mottak for jord og stein

Fylkesmannen ber kommunane opplyse om massetippar og massemottak for jord- og steinmassar som ikkje er forureina. Informasjonen skal brukast til å vurdere kva anlegg som i framtida må ha løyve etter avfallsregelverket.

25.09.2019

Lite informasjon i elektronikkforretningar om mottak av EE-avfall

Såg du informasjon om at butikken tek imot kasserte elektriske og elektroniske produkt førre gong du var hos ein elektronikkforhandlar? Tilsyn viser at butikkar ikkje informerer godt nok om plikta til å ta imot EE-avfall.

25.06.2019

Søknad om mottak av EE-avfall og metallavfall på Ågotnes

Stena Recycling AS søkjer om løyve etter forureiningslova til mottak og behandling av EE-avfall og metallavfall på CCB, Ågotnes i Fjell kommune. Frist for uttale er 10. august 2019.

19.06.2019

Søknad om løyve til avfallsanlegg i Rådalen

Fana Stein og Gjenvinning Nett AS søkjer om endra løyve etter forureiningslova for behandling og mellomlagring av forureina massar i Rådalen i Bergen kommune. Frist for uttale er 10. august 2019.

13.03.2019

Søknad om endring av løyve på Ravnanger

BIR Bedrift AS søkjer om endring av løyve etter forureiningslova for avfallsanlegget på Ravnanger (tidlegare Brødrene Salomonsen AS) i Askøy kommune. Frist for uttale er 11. april 2019.

26.02.2019

Endra løyve for deponiet i Svartasmoget

Fylkesmannen har endra Sunnhordland Interkommunale Miljøverk IKS (SIM) sitt løyve til deponering av avfall på Svartasmoget i Fitjar. Ny frist for å klage på vedtaket er 20. mars.

14.01.2019

Søknad om mellomlagring av asfaltmassar på Espehaugen 54

Løvaas Maskin AS søkjer om endra løyve etter forureiningslova for sitt avfallsanlegg på Espehaugen 54 i Bergen kommune. Frist for uttale er 15. februar 2019.

04.01.2019

Søknadsskjema for avfallsanlegg

Vi har laga søknadsskjema for avfallsanlegg for at det skal vere enklare å søke om nytt eller endra løyve. Alle søknadar om drift av slike anlegg må bruke skjemaet. Les heile saka for meir informasjon.