Tilskot innan jordbruk og skogbruk

Fylkesmannen har oppgåver knytte til forvaltning av ei rekkje tilskotsordningar innan jord- og skogbruk. Innan jordbruk er dei viktigaste ordningane produksjonstilskot, avløysartilskot og regionale miljøtilskot. Innan skogbruk er tilskot til nærings- og miljøtiltak i skogbruket blant dei største tilskotsordningane.

Det er kommunane som er førsteinstans for dei fleste tilskotsordningane. Kommunane informerer brukarane, behandlar søknader og gjennomfører stikkprøvekontrollar ved gardsbruka. Fylkesmannen er koordinator og rådgivar overfor kommunane.

Fylkesmannen rettleier kommunane om tilskotsordningane og er klageinstans for kommunens vedtak. Fylkesmannen gir eventuelle dispensasjonar, og då er det Landbruksdirektoratet som er klageinstans. Fylkesmannen skal dessutan gjennomføre forvaltningskontrollar hos kommunane og føretakskontrollar på enkeltbruk. Det blir utarbeidd ein plan for denne kontrollverksemda kvart år.

Fylkesmannen forvaltar tilskot til næringsutvikling innan landbrukssektoren mellom anna med midlar til utgreiings- og tilretteleggingstiltak (UT-midlar).

Vis meir


28.10.2019

Støtte til drift av beitelag

I Hordaland og Sogn og Fjordane er det over 300 000 beitedyr i utmarka. Til saman er det over 200 beitelag, som er med i organisert beitebruk. Beitelaga gjer ein stor jobb med å få til fellestiltak og er gode på å ta i bruk ny teknologi, som hjelper med å få ned tap på beite.

25.09.2019

Midlar til tiltak i verdsarvområdet Vestnorsk fjordlandskap - Nærøyfjorden

Fylkesmannen i Vestland lyser ut midlar til tiltak i verdsarvområdet med søknadsfrist 15. oktober 2019.

20.09.2019

Midlar til tiltak i utvalde kulturlandskap

Fylkesmannen i Vestland lyser ut midlar til tiltak i utvalde kulturlandskap (UKL) Grinde og Engjasete og Stadlandet med søknadsfrist 10. oktober 2019.

29.08.2019

Siste frist for å søke tilskot til utsiktsrydding

Tilskot til utsiktsrydding vert avvikla ved nyttår. Det står att om lag 1 mill. kroner til fordeling til føretak i Hordaland og Sogn og Fjordane. Innsendingsfristen til Fylkesmannen er 1. oktober, og søknader med beiting etter utført rydding vil bli prioriterte.

12.06.2019

Regionalt miljøprogram

Dei regionale miljøtilskota er hovudverkemiddelet i regionalt miljøprogram, og informasjon om desse tilskota finn du samla på denne temasida.

12.06.2019

Nytt regionalt miljøprogram for Hordaland og Sogn og Fjordane

Som ein del av miljøprogrammet kan bønder søkje tilskot til hausting av bratt eller veglaust areal, beitebruk, stølsdrift, å ta vare på biologisk mangfald og kulturminne, og å redusere ureining. Oversikt over dei ulike tilskota i miljøprogrammet finn du her.

20.03.2019

Tilskot til utsiktsrydding

Fylkesmannen lyser ut midlar til utsiktsrydding for 2019. Søknadene vert handsama fortløpande, og dei skal sendast til kommunen. Tilskot til utsiktsrydding har no felles retningslinjer for Sogn og Fjordane og Hordaland som gjeld frå søknadsomgangen 2019.

07.03.2019

Søk om produksjonstilskot innan 15. mars

Søknadsfristen for del 1 av søknaden er 15. mars. Du kan søkje om tilskot til dyra du disponererte på teljedatoen 1. mars.