Bandtvang for hund
Av omsyn til både vilt og husdyr på beite er det ordinær bandtvang over heile landet frå 1. april til og med 20. august. I delar av nokre kommunar kan det vere bandtvang heile året.
Dette innhaldet er meir enn eitt år gammalt. Informasjonen kan derfor vere utdatert.
Publisert 13.07.2021, Sist endra 13.07.2021
Bandtvang er heimla i Lov om hundehold (hundeloven) § 6.
Lause hundar i område der det går dyr på beite kan forstyrre dyra, skremme vekk lam frå mora eller i verste fall gå til angrep. Og for dyrelivet elles i naturen kan sjølv små forstyrringar vere øydeleggande i yngle- og hekketida.
Vi oppmodar alle hundeeigarar til å vise omsyn. Ta kontakt med din kommune om du lurer på om det er friområde for hund i ditt nærområde.