Helsetenester

Du har krav på å få nødvendig helsehjelp i kommunen der du bur, eller der du for tida oppheld deg. Du har òg krav på å få nødvendig helsehjelp frå spesialisthelsetenesta. Fylkesmannen fører tilsyn med helsetenesta og behandlar klagesaker for å medverke til at du får dei tenestene du har krav på.

Du kan klage på at du ikkje får oppfylt rettane dine 

Du kan klage dersom du meiner at du ikkje får dei helsetenestene du har krav på, eller dersom du er ueinig i helsetenesta si vurdering av behandlingsbehovet ditt. For at den som har gjort det vedtaket du er ueinig i, skal få høve til å endre standpunkt, skal du sende klaga dit. Dersom du ikkje får medhald i klaga, vil ho bli send vidare til Fylkesmannen for endeleg avgjerd. Fylkesmannens vedtak er endeleg, og den aktuelle helsetenesta vil måtte rette seg etter det.

Du kan be Fylkesmannen vurdere om helsetenesta har oppfylt pliktene sine

Fylkesmannen vil også kunne ta stilling til om tilsette i helse- og omsorgstenesta har forsømt pliktene sine slik at det har gått ut over deg. Det kan dreie seg om dei fleste plikter, blant anna manglande fagleg forsvarleg behandling og brot på teieplikta. Du ber om dette ved å sende brev til Fylkesmannen. Ved særleg grove rettsbrot vil Fylkesmannen sende saka vidare til Statens helsetilsyn, som blant anna kan gi åtvaring til helsepersonell eller gjere vedtak om tap av autorisasjon.

Det er viktig å understreke at Fylkesmannens vurdering i desse sakene ikkje får direkte innverknad på rettane til klagaren. Sjølv om du har fått uforsvarleg behandling, har du ikkje automatisk rett til erstatning eller ny behandling. I ei av lenkjene til høgre finn du meir informasjon om korleis du kan klage på helse- og omsorgstenester.

Vis meir


30.06.2020

Undersøker dødsfall på Haukeland

Etter at ein mann fekk for mykje cellegift og døydde, opnar Fylkesmannen i Vestland tilsyn med Haukeland universitetssjukehus.

26.06.2020

Brukar du signaturen til kollegaer når du administrerer medisinar?

Bruk av andre sin signatur for å dokumentere uttak av legemiddel frå medisinskap eller tillaging og kontroll av legemiddel er uforsvarleg verksemd, og ikkje i tråd med krava i helsepersonellova.

11.06.2020

Koordinerande pasient- og brukarombod

Eit nasjonalt koordinerande pasient- og brukarombod skal forsterka samarbeidet mellom dei femten lokale omboda, slik at tilbodet vert betre og likare for pasientar og brukarar.

09.06.2020

Lindrande behandling og omsorg ved slutten av livet

Ei ny stortingsmelding skal bidra til meir openheit om døden, og gi alle ei verdig avslutting på livet etter eige ønske og behov.

04.06.2020

Oppsøkande team er eit godt tilbod til personar med psykiske lidingar

Evalueringa av dei sju første FACT-teama viser ei nær halvering av tvangsbruk, og betre livskvalitet for personane i målgruppa.

03.06.2020

Handlingsplan for allmennlegetenesta 2020-2024

Den nye handlingsplanen skal bidra til å styrke, bevare og utvikle ei fastlegeordning som gir pasientane allmennlegetenester av høg kvalitet. Planen inneheld 17 tiltak.

29.05.2020

Legevaktslege braut teieplikta

Ein legevaktslege kontrollerte promillen til ein pasient ho mistenkte hadde køyrt i alkoholrus og tilkalla politiet. Dette var eit brot på teieplikta. For å bevare befolkninga si tillit til helsetenestene, er det avgjerande at helsepersonell viser god rolleforståing.

15.05.2020

IPLOS/KPR temadagar endra til webinar

Webinaret er erstatning for årets temadagar som var planlagt den 23. og 24. september i Bergen og på Skei. Webinaret vil bli arrangert i overgangen oktober/november.

20.04.2020

Nettundervisning for helseverksemder med ein-til-ein pasientkontakt

Nettundervininga handlar om nytt koronavirus og covid-19, og korleis dette bør handterast i helseverksemder med ein-til-ein pasientkontakt. Tidspunkt er måndag 20. april klokka 14.00-15.30, og undervisninga blir tilgjengeleg i etterkant. 

17.04.2020

Opplæringspakke for personale utan helsefagleg utdanning

Målgruppa for opplæringa er nye tilsette og vikarar, og tilsette frå andre einingar i kommunen som blir omdisponert grunna situasjonen rundt Covid-19.

Fleire nyhende