Statsforvalteren fikk nytt og kjønnsnøytralt navn 1. januar 2021. Det gamle navnet vårt var Fylkesmannen.

Vaarjelimmiedajvh

Dïhte stööremes aajhtoe eatnemegellievoeten vööste Nöörjesne lea dah dajvh gusnie kreekh jïh sjædtoeh jielieminie, arhkenieh jïh juakasuvvieh. Juktie eatnemen aarvojde gorredidh jïh dajvh vaarjelidh mah aarvoem aaj utnieh gaskenasjovnaale, nasjovnaale jïh regijovnaale iedtjeladtjide, dle eatnemereservaath, nasjovnaalepaarhkh jïh jeatjah vaarjelimmiedajvh tseegkebe. Maehtebe aaj vaarjelimmiedajvh tseegkedh  juktie eatnemen sjïerevoetem jïh kultuvremojhtesh gorredidh.

Reereme vaarjelimimedajvijste

Dïhte dïedte vaarjelimmiedajvide reeredh lea juakeme staateles  jïh voenges åejvieladtji gaskem. Fylhkenålma lea reeremeåajvaladtje dejnie jeanatjommes eatnemereservaatine. 2010 raejeste dle tjïelth mah dajvem utnieh nasjovnaalepaarhkine jïh stuerebe eatnemevaarjelimmiedajvine faalenassem åådtjeme reeremedïedtem vaeltedh. Jienebh gasketjïelten vaarjelimmiedajveståvroeh tseegkesovveme. Akte staateles vaarjelimmiedajvereerije lea tjaelije ståvrojde.

Reeremeåejvieladtjh edtjieh uvtemes vaarjelimmienjoelkedasside voebnesjidh jïh reereme- jïh jurjemesoejkesjh darjodh. Dej aaj dïedte bievnedh  jïh mïerhkesjidh vaarjelimmiedajvine, jïh baalkah jïh pruvvieh dåvvodh.  Daate daamtaj dorjesåvva Staaten eatnemevaaksjoeminie ektine.

Maahtah vaarjelimmiedajvine feeledh

Åålmegereakta dutnjien nuepiem vadta feeledh gusnie sïjhth vaarjelimmiedajvine. Tjoerh tjaebpieslaakan feeledh, olles kreekh jïh sjædtoeh arhkenh jallh stïrrelgåetieh. Såemies dajvine maahtah luhpehts årrodh feeledh såemies bieline jaepeste, goh joglemetïjjen jïh gosse tjovkh båetieh. Dejnie jeanatjommes vaarjelimmiedajvine dle dovne vijreme jïh gööleme luhpies, jis luhpies vijreme- jïh göölemekåarhtem åtna. Maahtah möörjedh jïh goebperh tjöönghkedh guktie sïjhth.

Ulmie lea motovrefeelemem vaarlelimmiedajvine gaertjiedidh, dovne kreeke- jïh sjædtoej gaavhtan, vuejemeskaaraj gaavhtan jïh ihke almetjh edtjieh eatnemem dååjredh bielelen  naan sturreldh stujmie.