Fylhkenålma maahta luhpiem vedtedh
Fylhkenålma lea dearjoetjåadtjoehtæjja dej jeenjemes slaavvoetseegkeldahki åvteste, jïh maahta luhpiem gïehteldæmman vedtedh mij dearjohte. Daate tseegkeldahkh feerhmie juktie dåastodh, veesmedh jïh slaavvoeh gïetedidh, bïjlebelhkenassesijjieh, våarhkoeh, komposteringtseegkeldahkh jïh båeltemstseegkeldahkh. Gosse Fylhkenålma dagkerh luhpieh vadta, dle gïehteldimmie muvhti veajkoej tjuara sjïere råajvarimmiejgujmie nïerhkedh juktie skaaride vaeniedidh mubpide. Fylhkenålma edtja aaj slaavvoesoejkesjh sïelkedahkijste utnedh, jïh dejtie vaaksjodh.
Fylhkenålma slaavvoetseegkeldahkide gïehtjede juktie hoksedh krïevenassh luhpine steeresuvvieh. Dïhte mij lea våarome gïehtjedimmide lea dearjoelaake, slaavvoemieriedimmieh, sisnjelds-gïehtjedimmien mieriedimmie jïh vadteme luhpieh.