Laanteburrie jïh beapmoe

Nöörjen laanteburrien vihkielommes siebriedahkelaavenjasse lea hoksedh guktie nuekies, jearsoes jïh jeereldihkie beapmoeh hijven kvaliteeteste. Men laanteburrien gaavhtan dle almetjh aaj årroeh, jïh jieleme abpe laantem gååvnese, jïh aaj byjreseaevhkieh goh vaarjelimmie biologeles gellievoeteste, kultuvreeatneme jïh skåajjen jïh eatnemen funksjovne goh karbonevåarhkoe. Laanteburrie aaj vihkeles juktie aerpievuekien daajroem jïh kultuvrem vijriebasse sertedh.

Akte politihkeles ulmie lea aktem jielije laanteburriem tjåadtjoehtidh abpe laantem. Fylhkenålma edtja viehkiehtidh dam nasjovnaale laanteburriepolitihkem tjïrrehtidh, viehkine bïevnesijstie, reereme tsavtshvierhtijste jïh voenges sjïehtedamme råajvarimmijste. Fylhkenålma edtja gaskem jeatjah

  • raerieh jïh viehkiem vedtedh tjïeltide
  • tjïeltide gïehtjedidh
  • klååkoeh gïetedidh tjïelten nænnoestimmine laanteburrielaaki sisnjeli
  • jeatjah regijovnale etaatigujmie jïh siebriejgujmie ektine barkedh juktie jielemem evtiedidh jåartaburrien jïh skåajjeburrien sisnjeli
  • viehkiehtidh nasjovnaale ulmieh jaksedh juktie ekologeles laantebårran jarkelidh
  • giehpiedimmiem gaertjiedidh ientjijste jïh sjïdtedehteles jåarteste jïh skåajjeste

Fylhkenålma aaj tjïelth, siebrieh, jielemeaktöörh jïh båantah bïhkede dej nuepiej bïjre mah byögkeles öörnegisnie gååvnesieh. Fylhkenålma darjomh dåarjede mah leah ektiedamme evtiedæmman jïh vaarjelæmman regijovnale beapmoekultuvrijste, daajroebïgkeme beapmoen bïjre jïh daajroe beapmoen jïh healsoen bïjre, joekoen maanaj jïh noeri vööste.

Jeatjah vihkeles byögkeles aktöörh laanteburrien sisnjelen leah

  • Laanteburrie- jïh beapmoedepartemeente
  • Staaten laanteburriereereme
  • Innovasjovne Nöörje
  • Beapmoevaaksjome

Vis mer


Flere nyheter [Missing text '/common/getnews' for 'Sami (Southern)']