Tjaetsie

Tjaetsie akte daerpies vierhtie gaajhkesidie. Mijjen jïjnje raajnes tjaetsie Nöörjesne, men ij gaajhke tjaetsie seamma hijven kvaliteetem utnieh.

Daate lea dah vihkielommes fåantoeh man  åvteste nåake tjaetsiekvaliteete:

  • dearjoe goh såvrome, fer jïjnje gjødsel jïh geerjehtimmie byjresekrodtijste
  • fysiske jarkelimmieh goh tjaetsiestuvrehtimmie, heerredimmieh goh geajnoeh jïh ruevtieraajroeh, jïh veajhtadimmie jïh jeatjah råajvarimmieh mah tjaetsiem stuvrieh kanaaline
  • biologeles tvevtsiedimmieh goh ammes guelieh, rïpmeme bïepmehtimmieguelieh jïh loesedihkie

Laavenjostoe tjaetsiereeremen bïjre

Tjaetsie galka gåabph sæjhta. Dah jeanatjommes tjaetsieåerieh jienebh tjïelti jallh fylhki tjïrrh gelkieh, jïh såemies mijjen kraannalaantigujmie juekebe. Dannasinie tjuara tjaetsiem reeredh voenges, regijovnale jïh voernges åejvieladtjigujmie ektine. Daesnie aaj mijjen kraannalaantigujmie laavenjostebe Sveerje, Såevmie jïh Russlaante.

Nöörje lea luhkieakte tjaetsieregijovnine juakeme. Akte fylhkentjïelte fïerhtene regijovnesne lea tjaetsieregijovnetjåadtjoehtæjja. Jaepien 2015 edtja regijovnale tjaetsiereeremesoejkesjh vihties råajvarimmiejgujmie nænnoestidh. Daate lea akte bielie sïejhtesjimmeste EU'en mierienjoelkedasseste tjaatsan.

Fylhkenålman barkoe

Byjresedepartemeente lea tjåadtjoehtæjja sïejhtesjimmien åvteste EU'en mierienjoelkedasseste tjaatsan. Fylhkenålma lea Byjresedepartemeenten tjirkije regijovnaale daltesisnie, jïh edtja

  • daajroem skååffedh tjaetsjien kvaliteeten bïjre  jïh vuarjasjimmiem vedtedh byjresen kvaliteeten bïjre
  • vååksjedidh jïh goerehtalledh dåeriesmoerh
  • byjresefaageles raeriestæjjine årrodh jeatjah sjyöhtehke åejvieladtjide

Tjaetsie tsevtseme sjædta joekehtslaakan. Juktie raajnes tjaetsiem utnedh daelie jïh båetijen aejkien, dle daate tjuara akte bielie årrodh  vuarjasjimmeste gaajhkine faagesuerkine.

Vis mer