Fylhkenålma maahta barkoem iktedidh
Stuerebe aehpine jïh ovlæhkojne dle daamtaj jienebh suerkieh mah leah meatan aehpiegïetedimmesne. Dagkarinie tsiehkine dle Fylhkenålma maahta barkoem iktedidh fylhkesne. Jis sjyöhtehke sjædta dagkarinie regijovnale iktedimmine nïerhkedh, dle Fylhkenålma jïh dah sjyöhtehke etaath edtjieh gaskesem tseegkedh. Daesnie fylhken gaerviesvoeteraerie maahta akte vihkeles forume årrodh.
Fylhken gaerviesvoeteraerie edtja gååvnesidh
Fylhken gaerviesvoeteraeresne staateles byögkeles gaerviesvoeteaktöörh jïh jïjtjevyljehke jïh privaate siebrieh mej faagedaarjoe siebriedahkesjearsoesvoeten jïh gaerviesvoeten bïjre. Raerie akte forume gusnie sinsitniem gaerviesvoetebarkoen bïjre bievnieh, jïh aktene aehpesne dle raerie sæjhta Fylhkenålman staateles laavenjostoe - jïh dåarjoeåårganine årrodh.
Gosse dåara dle Fylhkenålma faamoem åtna vihkeles siebriedahkeiedtjh gorredidh jis govlesadteme reerenassine tsoepkene.