Ovddalgihtii eastadeapmi servodatsihkarvuođa suorggis
Buot plánemiin galgá ovddidit servodatsihkarvuođa, ja dat nannejuvvo earret eará plána- ja huksenlágas. Gielddat leat báikkálaš plánaeiseválddit, ja dain leage ovddasvástádus ja vuoigatvuohta biehttalit geavaheames areálaid, mat leat váralaččat dahje sáhttet gártat váralažžan. Dat guoská sihke ovttaskas huksemiid ja viidásut plánaid.
Geavadis dat mearkkaša earret eará, ahte ássandáluid ja ásahusaid ii sáhte sajuštit dulve- dahje uđasguovlluide dahje eará sullasaš guovlluide, main álkit bohciidit dilit, mat soitet áitit olbmuid heakka dahje dearvvašvuođa. Berrejit maid leat molssaevttolaš vuogit oažžut juhkančázi ja rávnnji, jos váldodoaimmahanvuogit eai šat doaimma. Ođđa johtolagaid ásahettiin galgá suddjet ássanguovlluid, skuvllaid ja eará ásahusaid nu bures go vejolaš.
Riska- ja rašesvuođaguorahallamiiguin (RJR-guorahallamiiguin) kártejit man jáhkehahtti lea ahte dihto guovllus bohciidit dáhpáhusat, maid eat sávaše dáhpáhuvvat, ja makkár čuovvumušat dain livčče. Sáhttá leat sáhka ovdamearkka dihte dulvvis dahje rávdnjeboatkkas. Gieldda servodatsihkarvuođabarggu vuođđun galgá leat ollislaš RJR-guorahallan.
Relevánta liŋkkat:
- plána- ja huksenláhka
- láhka geassemánu 25. b. 2010 nr. 45 mii gieđahallá gielddaid gearggusvuođageatnegasvuođa, siviila suodjalandoaimmaid ja Siviilasuodjalusa (siviilasuodjalanláhka)
- láhkaásahus 22. august 2011 nr. 894: Láhkaásahus gielddaid gearggusvuođageatnegasvuođa birra
- gl.res. guovvamánu 17. b. 2006: Atomagearggusvuohta – guovddáš- ja guovlludási organiseren