Eatnamiid gáhtten

Utvidelse av E6 gjennom Hedmark legger beslag på mye dyrket mark.
Utvidelse av E6 gjennom Hedmark legger beslag på mye dyrket mark. (Foto: Gunhild Sem)

Mii dárbbašit gilvojuvvon eatnamiid ja eatnamiid maid sáhttá gilvit, vai sáhttit sihkkarastit biepmu háhkama guhkes áigodagas. Danin mii galgat nu guhkás go vejolaš leat huksekeahttá geainnuid, ássanvisttiid ja industriijavisttiid gilvojuvvon eatnamiidda. Eatnamiid gáhtten mielddisbuktá, ahte mii ain geavahit buoremus eatnamiid biepmu gilvimiid, eatge mudde eatnamiid eará ulbmiliidda.

Sierra guovlluin leat sakka earálágan hástalusat, muhtun guovlluin leat valjis areálat, mat vesáluvvet go eai fuolahuvvo, muhtun guovlluin fas lea váilivuohta, go gilvojuvvon eatnamiid geavahišgohtet earái, eaige leat areálat, maidda gilvit šibitmuhkki, ja váttisvuohtan leat alla láigohattit.

Daid guovlluin, main gávpogat ja čoahkkebáikkit viidot eanemusat, leat maid eanandoalloguovllut, mat beaktilepmosit buvttadit. Maŋimuš 50 jagi leat mudden eanet go miljovnna dekára eanandoalloeatnamiid eará geavahanulbmiliidda. Areálaplánemis ferte árvvoštallat oppalašvuohtan huksendárbbuid, fievrridanvuogádagaid, ruonástruktuvrraid, olggustallanberoštumiid, biologalaš girjáivuođa ja kulturmuitosuodjalusa. 

Vis mer