Gielddariekti

Gielddaláhka addá gielddaide ja fylkkagielddaide stuorra friijavuođa organiseret doaimmaideaset, go beare čuvvot hálddašanlága, almmolašvuođalága ja ovttaskas sierralágaid.

Lea mávssolaš, ahte gielddaid iešmearrideapmi ja báikkálaš demokratiija lea dássádagas nationála ovttaláganvuođa prinsihpain ja riektesihkarvuođain, mii galgá fátmmastit buot riikka ássiid.

Fylkkamánnis lea váldi gozihit gielddaid doaimmaid. Golbma dahje eanet gielddastivraáirasa sáhttet ovttas sáddet mearrádusa Fylkkamánnii, vai dat dárkkista leago mearrádus lágalaš. Fylkkamánni sáhttá maid iežas álgagiin dárkkistit áššiid lágalašvuođa. Fylkkamánni dárkkista, ahte mearrádus lea dahkkojuvvon lágalaččat, ahte rievttes orgána lea dahkan mearrádusa, ja ahte mearrádusa sisdoallu čuovvu gustovaš lágaid ja njuolggadusaid. 

  

Vis mer


Lenker