Gii prográmmii sáhttá searvat?
Gealbudahttinprográmma ulbmil lea áŋgiruššat nannoseappot olbmuid ovdii, geat leat dahje sáhttet šaddat sorjavaččat sosiáladoarjagis guhkit áigái. Buohkain, geat leat fidnoaktiivvalaš agis, ja geain leat vuollegaš bargo- ja dienasnávccat ja geat eai oaččo doarjaga dahje ožžot dušše unnán doarjaga eallingoluidasaset, sáhttá leat vuoigatvuohta searvat prográmmii. Prográmma galgá bistit olles jagi ja galgá leat olles áiggis. Jos searvá gealbudahttinprográmmii, de lea vuoigadahtton oažžut gealbudahttindoarjaga. Go ovddalgihtii diehtá man ollu doarjaga oažžu ja goas dan oažžu, de vuostáiváldi sáhttá plánet ruhtadilis guhkes áigodagas.
Gealbudahttinprográmma lea eiseválddiid mávssoleamos gaskaoapmi geafivuođa hehttemis.
Fylkkamánni doaimmat
Fylkkamánnis leat máŋga doaimma gealbudahttinprográmma olis. Fylkkamánni galgá earret eará
- gozihit Nbč-kantuvrraid
- fállat Nbč-kantuvrraide oahpu gealbudahttinprográmma birra
- sihkkarastit, ahte gielddanjunnošat dovdet prográmma
- bálddalastit gealbudahttinprográmma doaibma- ja gelbbolašvuođaaktivitehtaid fylkkadási Nbč-bargguiguin
- bagadit, gaskkustit dieđuid ja johttáhit doaimmaid, maiguin loktejit Nbč-kantuvrraid njunnoša ja bargiid gelbbolašvuođa
- meannudit váidalusáššiid
Relevánta liŋkkat:
láhka NBČ sosiála bálvalusaid birra
juovlamánu 21. b. 2011 ođđa láhkaásahus
Dás sáhtát lohkat dan birra, geas lea vuoigatvuohta searvat prográmmii, vrd. NBČ sosiála bálvalusaid lága § 29 (http://www.lovdata.no/all/nl-20091218-131.html).