Oktagaslaš plána ulbmil
- Oktagaslaš plánain galgá láhčit dutnje ollislaš, bálddalastojuvvon ja oktagaslaččat heivehuvvon bálvalusfálaldaga. Dan galgá sihkkarastit nu, ahte álo lea okta bálvalusbargi, geas lea váldoovddasvástádus čuovvulit du bálvalusaid vuostáiváldin.
- Du ulbmiliid, návccaid ja bálvalusaid dárbbuid galget čielggadit. Dasto galget árvvoštallat ášši ja johttáhit doaimmaid, maiguin du veahkki bálddalastojuvvo (koordinerejuvvo).
- Plána galgá nannet ovttasdoaibmama, mas leat mielde don, vejolaččat du lagamusat ja bálvalusbargit, mat gullet seammá dahje eará hálddašandássái.
Sierra aktevrrain lea geatnegasvuohta bargat ovttas
Oktagaslaš plána lea dan olbmo plána, gii bálvalusaid oažžu. Dat mearkkaša, ahte du ulbmilat galget leat váldun proseassas. Geavaheaddjin dus lea vuoigatvuohta leat mielde govvideamen makkár bálvalusat, sávaldagat ja ulbmilat leat mávssolaččat dutnje dábálaš eallimis ja boahtteáiggis, ja mii ávžžuhit du searvat govvideapmái. Gieldda dearvvašvuođa- ja fuolahanbálvalusa dahje dearvvašvuođafitnodaga oasis, mainna geavaheaddji váldá oktavuođa, lea iehčanas geatnegasvuohta fuolahit das, ahte plánabargu johttáhuvvo. Jos don dárbbašat eará bálvalusfálliid dahje etáhtaid bálvalusaid, de sis lea maid geatnegasvuohta searvat oktasašbargui.