Eigenberedskapsveka 2019
Dersom vatn og straum vart borte, har du det du treng for å klare deg sjølv i tre døgn? Denne veka har eigenberedskap særleg merksemd over heile landet.
Dette innhaldet er meir enn eitt år gammalt. Informasjonen kan derfor vere utdatert.
Direktoratet for samfunnstryggleik og beredskap (DSB) står bak denne årlege kampanjeveka, med mål om å auke folks kunnskap om eigenberedskap og få fleire til å gjere eigne førebuingar.
Særleg no på seinhausten og utover vinteren kan det kome uvêr som fører til at straumen forsvinn. Dersom alle bidreg med å førebu seg, kan naudetatar og andre redningsressursar prioritere å hjelpe dei som verkeleg treng det - den dagen situasjonen skulle tilseie det. Tenk òg gjerne særleg på naboar eller kjende som kan trenge hjelp i slike situasjonar.
Dersom du er førebudd, kan bortfall av straum i nokre dagar bli litt meir som ein "koseleg" hyttetur. Konkrete råd, som t.d. forslag til eit beredskapslager du bør ha heime, finn du i brosjyra som ligg ved denne artikkelen og på sikkerhverdag.no.
(Illustrasjonsfoto, DSB)