Fylkesmannen i Vestfold og Telemark har blitt medlem i det nye klima- og Energinettverket i Vestfold og Telemark

Nettverket skal fungera som ein koplingsboks for problemløysing og bidra til nye klimaprosjekt. Fleire bedrifter, kommunar, akademia og andre verksemder har meldt seg inn for å saman lære av kvarandre, få praktisk kunnskap og bli inspirert til å gjera berekraftige endringar i eiga drift og investering.

Medlemsavtala inneber mellom anna forventningar om:

• forankring i toppleiinga der omsynet til klimagassutslepp skal vera inkludert i heile organisasjonen
• arbeid med klimarekneskap og budsjett
• offentlege anskaffingar og grønare innkjøp
• energiomstilling og sirkulærøkonomi
• eit langsiktig klima- og/eller energiprosjekt i eigen verksemd
  
  

Det er fylkeskommunen i Vestfold og Telemark som vil leia nettverket og har sekretariatsansvar.  

Assisterande Miljøverndirektør, Grethe Helgås underteikna avtala på vegne av Fylkesmannen under lanseringa av nettverket den 30. oktober. Hun trur dette blir ein viktig samarbeidsarena som vil gi nyttig og konkret hjelp i arbeidet med å redusera utslepp. For å nå dei klimamåla som er satt både nasjonalt og regionalt her i Vestfold og Telemark, er vi avhengig av samarbeid og nettverk der alle aktørar bidrar. Vi vil ta vår del av ansvaret og vere ei klimaansvarleg verksemd i vår region, avsluttar Helgås.

For meir informasjon om nettverket og viss du er interessert i å bli medlem, klikk her for å sjå nettsidene for Klima- og Energinettverket