Kvart fjerde år legg Regjeringa fram nasjonale forventningar til regional og kommunal planlegging for å fremje ei berekraftig utvikling. Det nye i forventningane er m.a. at FN sine 17 berekraftsmål skal leggjast til grunn for planlegginga.
Nye nasjonale forventningar til planlegginga
Dette innholdet er mer enn ett år gammelt. Informasjonen kan derfor være utdatert.
Publisert 29.05.2019
Regjeringa legg vekt på at vi står framfor fire store utfordringar:
- Å skape eit berekraftig velferdssamfunn
- Å skape eit økologisk berekraftig samfunn gjennom m.a. ein offensiv klimapolitikk og ei forsvarleg ressursforvaltning
- Å skape eit sosialt berekraftig samfunn
- Å skape eit trygt samfunn for alle
Fylkeskommunen og kommunane har ei sentrale rolle når det gjeld å handtere desse utfordringane, m.a. i medhald av plan- og bygningslova.
Dei nasjonale forventningane til regional og kommunal planlegging er forankra i plan- og bygningslova, og heilskapleg planlegging er eit viktig styringsverktøy for berekraftig samfunnsutvikling og arealbruk.
FN sine 17 berekraftsmål skal m.a. sikre sosial rettferd og god helse, stoppe klimaendringane og tapet av naturmangfald.
Kontaktpersoner
-
Nils Erling Yndesdal
Tlf: 57 64 31 20 / 95 72 33 72 -
Egil Hauge
Tlf: 55 57 23 50 / 97 50 40 07