Regulantprosjektet

Målsetjing

Fisk i regulerte vassdrag i Sogn og Fjordane (Regulantprosjektet) samordnar fiskeribiologiske undersøkingar i regulerte vassdrag, og er eit alternativ til at det vert gjeve enkeltpålegg om undersøkingar for kvar enkelt lokalitet. Undersøkingane skal gje grunnlag for å evaluere utsetjingspålegg og vurdere om det er nødvendig med tiltak for å styrke fiskebestandane. Prosjektet er delt i to med ein del som tek for seg innlandsfisk og ein del som tek for seg anadrom fisk (laks og sjøaure).

Organisering

Prosjektet «Fisk i regulerte vassdrag i Sogn og Fjordane» er i dag eit samarbeid mellom Bergenshalvøens Kommunale Kraftselskap (BKK), E-CO Vannkraft, Svelgen Kraft, Hydro Energi, Sogn og Fjordane Energi, Sognekraft, Statkraft, Sunnfjord Energi, Østfold Energi og Fylkesmannen i Vestland. Miljødirektoratet (Mdir) og Norges Vassdrags- og Energiverk (NVE) er nære samarbeidspartnarar, og har observatørstatus for prosjektet. Kostnadane knytt til drifta av prosjektet vert betalt av regulantane. Fylkesmannen har det faglege ansvaret og administrasjonen av prosjektet.