Sluttmarkering av mjølkeprosjektet på Finnøy på live-podcast
Det blir live-sending frå bondepub på Finnøy fredag 19. oktober kl 19 på Landahuset, som ei sluttmarkering av mjølkeprosjektet Finnøy Framtid Mjølk. Det blir spanande å høyre om prosjektet har resultert i konkrete satsingar. Alle er velkomne til å delta.
Dette innholdet er mer enn ett år gammelt. Informasjonen kan derfor være utdatert.
Stortingsrepresentant Olaug Bollestad og prosjektansvarleg Ruben Eggebø vil delta live, og tema er framtida for små og mellomstore mjølkebruk.
Mjølkefjøs med 15-30 kyr har klar prioritet
Utgangspunktet for prosjektsatsinga er føringane frå jordbruksoppgjeret om at mjølkebruk med 15-30 kyr skal ha prioritet. Finnøy har mange slike mjølkebruk. Innovasjon Norge har motteke fleire søknader frå denne målgruppa, og vi har fått signal om at fleire har planar om å søkje. Vi håpar at prosjekt frå Finnøy er blant desse, og at det kan motivere fleire.
Mjølk avgjerande for verdiskapinga
Mjølkesektoren står for den klart største delen av verdiskapinga i landbruket. Det er difor viktig å oppretthalde produksjonsvolumet i alle delar av fylket. Vi har allereie sett at satsinga på mellomstore mjølkebruk har gitt positiv effekt i andre delar av fylket.
Meir informasjon om Finnøy-prosjektet og bondepuben finn du på Finnøy kommune si nettside. Her finn du også lysark frå eit mobiliseringsmøte i juni.
Kontaktpersoner
-
Anfinn Rosnes
Tlf: 51 56 89 80 / 48 14 72 13