Tilskott til utgreiings- og tilretteleggingstiltak

Fylkesmannen har verkemiddel som skal støtte landbruket og ny landbruksbasert verdiskaping regionalt. Midla skal brukast til tiltak av prosjektretta karakter og skal bidra til å auke matproduksjonen, utvikle det tradisjonelle landbruket og dei landbruksbaserte næringane. Midla kan tildelast organisasjonar,samarbeidsorgan, kommunar, institusjonar m.v.

I denne ordninga kan det også gjevast tilskott til bygdemobilisering. Bygdemobiliseringa er eit samarbeid mellom fylkesmannen og hoppid.no. Målet med bygdemobilisering er å utvikle livskraftige lokalsamfunn der folk trivst og ungdom finn ei attraktiv framtid. Det blir gjeve støtte til samarbeid om entreprenørskaps-, tilflyttings- og trivselstiltak. For fleire opplysningar, sjå vedlegg.