Karbonfangst med myrrestaurering

Aspåsmyran naturreservat er eit myrreservat i Gjemnes kommune. Området i og utenfor reservatet er prega av ei omfattande etablering av skogsgrøfter som blei gjennomført for 40-60 år sidan. Grøftesystema har ført til at myra har blitt drenert og uttørka. 

Hausten 2016 og 2017 satte statsforvaltaren i samarbeid med Statens Naturoppsyn i gang ei omfattande restaurering i Aspåsmyran. Område for restaurering blei utvida lenger aust i 2021 og 2022. Over 13 000 m grøft har blitt tetta ved å lage demningar av torv på tvers av grøftene. I tillegg har det blitt felt ein del trær på grunn av at dei bidreg til ytterlegare uttørking av myra.

Målet er at restaureringa vil bidra til ei permanent heving av vasspeilet i myra. Hensikta med det er mellom anna å skape gode høve for torvmosar. Torvmosane veks i spissen, dei eldre delane døyr, og dannar fundamentet i myr; torv. Intakt myr inneheld eit stort lager med karbon, og det er dette vi no prøver å tilbakeføre i Aspåsmyran. 

Restaurering er også eit viktig tiltak for naturmangfaldet på myra. I åra 2019 til 2023 har Dag Dolmen frå AmphiBios vore på Aspåsmyran for å registrere mellom anna augnestikkarar, amfibier og andre insekt. Undersøkingane viser at restareringa har verka positivt, og det har blitt eit faunarikt område. Meir om resultata kan du lese i rapportane som ligg under Dokument.

Meir om verneområdet og verneformålet finn du her.

Myrrestaurering som klimatiltak

Torvmyrer står for om lag 1/3 av verdas karbonlager i jord, og dei bind opp meir CO₂ frå atmosfæren enn dei slepp ut. Grøfting fører til uttørking og nedbryting av torvmyr – og dermed auka CO₂-utslepp. Heving av vasspeilet bremsar nedbrytinga og vil stabilisere karbonlagra i myra. Slik kan den igjen bidra til karbonfangst.