Jordmassar – frå problem til ressurs
Region Nordhordland har laga ein rettleiar der det er samla råd om korleis kommunane ved god sakshandsaming kan legge til rette for at jord vert brukt som ein ressurs for landbruk og samfunn. Eit av råda i rettleiaren er at den beste måten å vere i forkant på er å tenke massehandtering i planarbeidet.
Dette innholdet er mer enn ett år gammelt. Informasjonen kan derfor være utdatert.
Rettleiaren omtaler interesser og lovverk, som kommunane må ta med i sine vurderingar, som omsyn til klima, kulturminne, naturmangfald, forureining, friluftsliv, naboar og trafikk.
Rettleiaren gjev råd om kva lovverk og eventuelt kva planverktøy ei sak skal handsamast etter, avhengig av omfang og kompleksitet. Det er òg informasjon om kva ein søknad til kommunen må innehalde.