Samfunnstryggleik og beredskap

Alle har eit ansvar for å førebyggje uønskte hendingar og kriser, og å handtere dei viss dei likevel skjer. Vi må ta førebyggjande omsyn i alt frå arealplanlegging i kommunane til HMS-tiltak på den enkelte arbeidsplassen. Som innbyggjar kan du utruste deg til å klare deg sjølv i nokre dagar.

Fylkesmannen er eit bindeledd mellom sentrale og lokale styresmakter, og har ei sjølvstendig rolle som pådrivar og rettleiar for arbeidet med samfunnstryggleik og beredskap.

I ein krisesituasjon er politiet, den ansvarlege fagetaten eller kommunen den viktigaste informasjonskjelda til innbyggjarane. Fylkesmannen kan i ein del tilfelle ta eit samordningsansvar for krisehandteringa på regionalt nivå, for å sikre gode og samordna løysingar mellom aktørane. Fylkesberedskapsrådet er eit viktig forum for å ivareta samordningsansvaret. Rådet er samansett av sentrale offentlege beredskapsaktørar og frivillige og private organisasjonar. 

Råd om eigenberedskap til deg som er innbyggjar i Noreg

Du er ein del av Noregs beredskap. Dersom straumen blir vekke eller du blir isolert av veret, bør du vere rusta til å klare deg sjølv i nokre dagar. Styresmaktene ber oss difor vurdere risiko og sårbarheit i eigen heim. Du bør tenke gjennom kva som kan skje, kva konsekvensar det kan få, og korleis nettopp din familie kan handtere det. Finn gjerne også ut kven som kan trenge di hjelp og korleis du kan bidra. Dei grunnleggande behova dei tre første døgna av ei krise er varme, mat, drikke, legemiddel, hygiene og tilgang til informasjon. Mange av oss har alt ein god del av det vi treng for å klare oss sjølv i nokre dagar, så det er ofte ikkje så mykje som skal til for å komme helt i mål. Her får du gode idear til kva som bør vere på plass i ditt eige beredskapslager.

Vis meir

Fylkesmannen i Sogn og Fjordane har gjerne ein samordnande funksjon når det skjer uønskte hendingar i fylket. Uveret Dagmar som råka oss julehelga 2011 er eit døme på ei hending som kravde god samhandling mellom ei rekkje etatar.

Fylkesmannen kan ta initiativ til å samorden innsatsen i krisearbeidet, men kommunale og regionale etatar kan også sjølv ta kontakt med oss for å be om hjelp i ein krisesituasjon.


11.12.2018

Oppfølging av personell som på vegne av staten har vore i internasjonal teneste for staten

Dei fleste som har gjort teneste i internasjonale operasjonar kjem heim med nye erfaringar og ein unik kompetanse frå konfliktområde. Dei fleste veteranar greier seg bra etter tenesta, men nokre vil ha problem og utfordringar.


09.11.2018

Felles læring etter flaumen i Luster

Saman med dei mest sentrale aktørane har vi evaluert handteringa av flaumen i Luster 14. oktober.


01.11.2018

Konferanse om samfunnstryggleik og beredskap

Tema som øvingar, IKT-tryggleik og atomberedskap stod på programmet då vi arrangerte ein konferanse om samfunnstryggleik og beredskap denne veka.


30.10.2018

Analyse av uønskte hendingar på cruiseskip

I analysen av risiko og sårbarheit for Sogn og Fjordane (Fylkes-ROS) frå 2017 vart uønskte hendingar på sjøen diskutert som eit eige tema. No har vi utarbeidd ein tilleggsanalyse av uønskte hendingar som kan inntreffe på cruiseskip.


16.10.2018

Erstatning for skader etter flaumen

Den offentlege naturskadeordninga kan erstatte skader som direkte skuldast ei naturulykke som t.d. flaum, storm, stormflo og skred. Ordninga omfattar skader der det ikkje er mogleg å teikne privat forsikring.


05.10.2018

Møte i tryggingsforum for Sogn og Fjordane

Fylkesmannen, Vest politidistrikt og dei to heimevernsdistrikta (HV-11 og HV-09) møttest 17. september for å diskutere felles problemstillingar.


03.10.2018

Nye retningslinjer for klimatilpassing

Regjeringa har vedteke statlege planretningslinjer for klima- og energiplanlegging og klimatilpassing i kommunane.  


28.06.2018

Den største militærøvinga i Noreg sidan 1980-talet

Heile 40 000 soldatar er med når Nato og Forsvaret skal øve saman i tida 25. oktober til 7. november. Trident Juncture 2018 er så stor at òg vanlege folk vil merke øvinga.


07.06.2018

Møte om skogbrannfaren

Brannsjefane, alarmsentralen og Fylkesmannen drøfta skogbrannberedskap med Direktoratet for samfunnstryggleik og beredskap. 


01.06.2018

Fagsamling om samfunnstryggleik og beredskap

Vi ønskjer velkomen til konferanse om samfunnstryggleik og beredskap, tysdag 30. oktober kl. 10.00-15.30, på Thon Hotel Jølster. Tema for årets konferanse er øvingar, IKT-tryggleik og atomberedskap. 


Fleire nyhende Få nyheitsvarsel