Individuell plan

Dersom du har behov for langvarige og koordinerte helse-, omsorg- og sosialtenester, har du rett til å få utarbeidd ein individuell plan om du sjølv ønskjer det. Det er helse- og omsorgstenesta i kommunane, helseføretaket og kommunen i arbeids- og velferdsforvaltninga (Nav-kontoret) som skal sørge for at pasientar og brukarar får oppfylt retten til individuell plan. Dersom du treng tenester frå både kommunen og spesialisthelsetenesta, er det kommunen som skal sørge for at planen blir utarbeidd og koordinere arbeidet.

Siktemålet med individuell plan  

  • Individuell plan skal medverke til at du får eit heilskapleg, koordinert og individuelt tilpassa tenestetilbod. Det skal sikrast at det alltid er éin person – ein koordinator –som har hovudansvaret for oppfølginga av deg som tenestemottakar.
  • Planen skal vere klargjerande for tenestemottakaren, avklare ansvarsforhold og danne grunnlag for vedtak om tenester frå det offentlege. Vidare skal det gjerast ei vurdering og setjast i verk tiltak som kan medverke til at hjelpa blir koordinert.
  • Planen skal medverke til å styrkje samhandlinga mellom deg, eventuelle pårørande og tenesteytarar innan eit forvaltningsnivå eller på tvers av forvaltningsnivåa.


Dei forskjellige aktørane har plikt til å samarbeide

Individuell plan er tenestemottakaren sin plan. Det inneber at det er dine mål som skal vere utgangspunktet for prosessen. Som brukar har du rett til og blir du oppfordra til å vere med å gjere greie for behov for tenester, ønske og mål som er viktige for deg i kvardagen og i framtida. Den delen av kommunen eller helseføretaket som brukaren vender seg til, har ei sjølvstendig plikt til å få sett i gang arbeidet med planen. Dersom du har behov for tenester frå andre tenesteytarar eller etatar, har dei òg plikt til å samarbeide.

Koordinator utan individuell plan

  • Kommunen skal tilby koordinator også for pasientar og brukarar med behov for langvarige og koordinerte tenester som takkar nei til individuell plan. 
  • Spesialisthelsetenesta skal tilby koordinator til pasientar med behov for komplekse eller langvarig og koordinerte tenester. Koordinator i spesialisthelsetenesta erstattar den tidlegere ordninga med pasientansvarleg lege. 

Fylkesmannens oppgåver

Fylkesmannen skal medverke til samarbeid og ansvarsavklaring mellom kommunane og spesialisthelsetenesta.

Vis meir


22.09.2014

Referat frå ansvarsgruppemøte

Formålet med ei ansvarsgruppe er å sikre tverrfagleg samarbeid, informasjonsflyt og koordinerte tenester, der hjelpebehovet til tenestemottakaren krev det. Møtereferatet er viktig dokumentasjon.


30.07.2013

Foreldre til barn og unge med nedsett funksjonsevne

Kva rettar har familien? Kva rettar dei har, avhenger av alderen til barnet. Her finn du ein oversikt.


30.07.2013

Læringsnettverk - Kvalitet i helse-, omsorgs-, barneverns-, og velferdstenestene 2011- 2012

Målsettinga med læringsnettverket var å stimulere kommunane til kvalitetsarbeid og tverrfagleg samhandling. Læringsnettverket la opp til at kommunane skulle planlegge og kartlegge no-situasjonen, presentere sine prosjekt og målsettingane for eige arbeid.