Verjemål - Fylkesmannen i Rogaland

Framtidsfullmakt

Ei verje sikrar interessene til ein person som anten er mindreårig, eller som har fått oppnemnt verje. Ein person som treng hjelp til å sikre sine eigne interesser, kan få verje både på det økonomiske og det personlege området.

Det å få verje vil seie at du får hjelp til gjeremål du ikkje greier sjølv, slik at du kan fungere på lik linje med andre i samfunnet. Eit verjemål skal vere tilpassa behova du har, og det skal ikkje vere meir omfattande enn det som er nødvendig. Vanleg verjemål er frivillig, og du bestemmer sjølv om du vil ha verje eller ikkje.

Fylkesmannen vart lokal verjemålsmynde frå 1. juli 2013, og er førsteinstans på verjemålsområdet. På landsbasis forvaltar fylkesmannen rundt 72 000 verjemål og finansielle midlar til ein verdi av over 19 milliardar kroner.

Klagerett

Du kan klage på eit vedtak om oppretting av verjemål. Dei som har rett til å klage er vedkommande som er sett under verjemål, verja, den som har sett fram kravet om verjemål eller personens ektefelle/sambuar, næraste livsarving og søsken. For andre vedtak enn oppretting av verjemål er det vanlig klagerett etter reglane i forvaltningslova. Klagefristen er tre veker frå du mottok vedtaket. Du skal sende klagen til Fylkesmannen. Fylkesmannen kan omgjere vedtaket, eller sende klagen vidare til Statens sivilrettsforvaltning, som er tilsynsmynde og klageinstans for vedtak gjort av Fylkesmannen.

Ofte stilte spørsmål

Framtidsfullmakt

Behov for verje

Bank og midlar til forvaltning

Godkjenningar og rekneskap

For barn og ungdom

Lover og reglar

Vil du bli verje?

Skjema

Individtilpassing av verjemandat

Statens sivilrettsforvaltning har gitt Fylkesmanen i oppdrag å gjennomgå aktive verjemål med tanke på individtilpassing og mandatutforming

Verjerapport 2019 for deg som er fast verje og har fleire enn 20 oppdrag

Etter verjemålslova § 6 skal Fylkesmannen føre tilsyn med verjene i området sitt. Føremålet med tilsynet er betre kvalitet og å sikre at verjeoppdraget blir utført i tråd med lov, forskrift og vedtak. Tilsynet skal òg bidra til at du som verje får den rettleiing og bistand du treng for å utføre vervet på ein god måte

Nedetid Mine Vergemål og ny versjon

Måndag 20.05.2019 planleggar DIFI å gjennomføre utfasinga av dagens sikkerheitsløysing som blir brukt på Mine Vergemål. Som en følge av dette vil Mine Vergemål vere utilgjengeleg i perioden 20.05.2019 til 17.06.2019.

Innlevering av verjerekneskap 2018

Alle verjer med rekneskapsplikt skal levere verjerekneskap for 2018. Rekneskapen skal leverast samla, og frist for innsending er 30. april 2019.

Informasjonsfilm om vergemål

Her kan du se en kort tegnefilm om frivillig vergemål

Korleis sende inn heilskapserklæring, kontoutskrifter m.m. elektronisk?

Sjå lenke i høgremargen for veileder:

Fastlegar har ikkje sjølvstendig meldeplikt etter verjemålslova § 57

Fram til no har Statens sivilrettsforvaltning og enkelte fylkesmenn lagt til grunn, og tolka det slik, at fastlegane har meldeplikt ved behov for verjemål. Justis- og beredskapsdepartementet ved lovavdelinga har 06.02.2018 gitt ei tolkingsfråsegn der det blir konkludert med at fastlegar ikkje har sjølvstendig meldeplikt overfor Fylkesmannen etter verjemålslova § 57.

Framtidsfullmakt

Verjemålslova gir høve til å opprette ei framtidsfullmakt, og få fullmakta stadfesta av Fylkesmannen, for dei som ønskjer det. Ordninga med framtidsfullmakt er ei frivillig, privatrettsleg ordning, eit alternativ til verjemål, for den som ønskjer å ordne forholda sine sjølv for ei framtid der ein sjølv ikkje er i stand til å treffe eigne avgjerder.

Verjegodtgjering på EHF-faktura

Med ønskje om å forenkla prosessane omkring verjegodtgjering, opnar Fylkesmannen i Rogaland for moglegheita til å senda inn krav på EHF-faktura.

Skifte av dødsbu med mindreårig arving

Mindreårige har ikkje rettsleg handleevne, og vert ivaretekne av verja si i økonomiske høve. Verja for den mindreårige er den med foreldreansvaret.

Lenkjer

Vergemålsportalen Send melding til vergemålsavdelingen hos fylkesmannen Informasjonsfilm om vergemål Presentasjonar

Skjema

Kontakt

Verjemålslaget har telefontid frå kl. 12.00 til 14.00 måndag til fredag.

Tlf: 51 56 87 00

Melding til fylkesmannen - verjemål (blir opna i nytt vindu)