Vellukka skjøtsel av over 5000 år gamalt levande kulturminne
Gardbrukarar frå sørfylket gjennomførte onsdag brenning av lyng- og grashei i Synesvarden landskapsvernområde i Hå. Lyngbrenninga skjedde på oppdrag frå Fylkesmannen og er saman med beiting, eit skjøtselstiltak for å ta vare på landskapet.
Dette innhaldet er meir enn eitt år gammalt. Informasjonen kan derfor vere utdatert.
Denne eldgamle kulturmarkstypen har i all tid vore skjøtta gjennom beite og tidvis brenning, noko som har gitt det opne og særprega landskapet. Manglande tradisjonell skjøtsel fører mange andre stadar langs Vestlandet til at kystheia gror att med ungskog.
Brenninga vart utført trygt og kontrollert, og med naudsynt avklaring med brannvesenet. Med høg mark-råme (væte) og lite vind går brannen ikkje ned i bakken. Slik vil frisk lyng kunne spire på ny frå frølagera i plantane.
 |
 |
 |
|
Vasstanken på ryggen |
Landskapet etter lyngbrenninga. |
Nøye etterslukking for hand. |
Brenning av 100 dekar lyng- og grashei i verneområdet, skjedde i lag med Statens Naturoppsyn Jæren (SNO).