Frist for etterregistrering er 10. januar
Dersom du har søkt om produksjonstilskot i jordbruket eller tilskot til avløysing ved ferie og fritid i oktober 2019, kan du etterregistrere nokre opplysningar.
Dette innhaldet er meir enn eitt år gammalt. Informasjonen kan derfor vere utdatert.
Publisert 06.01.2020
Du kan etterregistrere følgjande opplysningar innan 10. januar:
- Utgifter til avløysing som føretaket har hatt etter 15. oktober
- Dyr sanka frå utmarksbeite etter 15. oktober
- Livdyr av kylling og kalkun som er selde etter 15. oktober
- Rugeegg levert til rugeri etter 15. oktober
- Frukt, bær, veksthusgrønsaker og salat på friland som er selde etter 15. oktober
Etterregistrering skjer i same søknadsskjema som er sendt inn tidlegare. Du må logge inn i den elektroniske søknaden her.
Hugs at du må ha levert søknad i oktober for å kunne etterregistrere opplysningar. Har du spørsmål må du ta kontakt med landbruksforvaltninga i kommunen.